ااااااااااااااااااااالله معاه

لقلوبكم البيضاااااء

ولتقصيرتواصلي الدائم

استبيحكم العذر في طرح

بعض قصائدي القديمه

كنت أظنك في وريدي تعشق الصبح ومساه= اثرني زليت لا والله ظلمتك يا ضـمــاي
من قسى الايام ضمتني عيونك للسهاه=لجـل تتنهد عـلى صـدري تسمعني شـقــاي
وش بغيت وناويٍ تبديه من بين الشفاه=حرفك اللي عذب انفاسٍ تـعلّت فـي مـداي
راس مال الحب احساسٍ يغني لك وفاه=والمحبه ما تخـونك لو تعلمهااا وفـاااي
لا تردد بالملامه واسقي المطعون ماه=تجني أوراقٍ على اغـصاني يبللها نـداي
يا زمان أول حرام انك تذكرني قساه=ان قسى طبعه عـلى طبعـي يقاسمني عــناي
اعرف انّه مع هبوب الريح يشتاق لضماه=يروي احساسه عــلى متني وهـو طالـب رجـاي
ان رحل ما ني بميته قلتها الله معاه=بـس لا يــرجـع يـقول الأآآآه عــوّديا دواي
اطفي اشموعي وعلمها قصيدٍ محتواه = راحـله والظلـم يعزف له وسـط قـلبك بـناي
انثر انفاس التلاقي قبل ما تحرق مداه= ذكّر المشتاق يحـسبها قــبل يخــطي خــطاي
مامضى من حالنا عمرٍ يرافقنا حلاه=كلٍ رمشٍ فـي عيونك ودّعــه يــبكي وراي
لا ترد اتقول وينك والمسا ودع صباه= المسا يرحل يجــي بكــره ينافسني صـباي
لا دموع ولاحـزن قلبي تهشم في ثراه= يعتق اذنـوبٍ حكت له ساهـره تطلب رضــاي
وانت أظنك في وريدي تعشق الصبح ومساه= اثرني زليت!! لا والله!! ظلمتك يا ضـمــاي