للتوفيق معاني

تعودنا مع نهاية كل صيف ان تبدأ عودة كثير من عرايس الصيف الى بيوت اهاليهم محملين بكل انواع الالم
والغالبية العظمى تحمل لقب مطلقه بعد زواج قصير 000
هذي احدى القصص وماهو شرط تكون كل القصص مثلها 0000



للتوفيق معاني000


يقولون :قمة النجاح في حياة البنت
إنها تزوجت
وصارت حرمه لرجل
وما عنست
والولايه من يد ابوها او اخوها
او اللي يكون
الى يد رجل ثاني
تحولت
وتعيش في الظل مهمشه
تحت وصاية هذا الرجل
وان فاتها قطار الزواج قالوا
مسكينه عنست
ومسحوا دمعه من العين
عليها تسربت
وصاروا يفحصون الجسم
والشكل الخارجي
ودهم يعرفون
ليش هي عنست
هذا هو الطموح؟
000 تزوجت00؟
وجابت كومة عيال 00
يعني خلفت00
لكن اش صار للبنت اللي توفقت
وتخرجت
00وكمان تزوجت
بنت مثل الورده الجميله
اقبلت
على الدنيا بكل الحب
ولزوجها استعدت وتجهزت
تحلم بالعش الصغير
اللي رح تسكنه
مع ابن الحلال
اللي الكل يشكر فيه و يمدحه
والبنات غيرانين منها
وامهاتهم مقهورين منها
ليش انهم ماهم مثلها 00
شهاده00ووظيفه
وعروس زمانها
وتم الفرح
وكانت مثل البدر في ليلة تمامه
وهو منور جنبها
يبدي لها كل اهتمامه
وبالزغاريد والتهاني والاماني
ودعتها امها
بعد ماوصتها كم وصيه
وامنتها في وداعة كريم00
وعلى الله توكلت000
تروح البنت
تلقى العريس عنده مشوار صغير
بيقضيه ويرجع لها بعد وقت قصير
ولانها تستحي منه
ماقالت له وانا؟
وش اللي فيني يصير؟
يطلع الهمام
ويغيب 00ساعه 00 ساعتين 00 ثلاث
0يمكن اكثرقليل
ماتدري كم ساعه مرت عليها
وهي في فستان الفرح
00 وهونايم على الارض
مثل القتيل 00
خافت
ناظرت فيه من بعيد
00نايم ؟
غريبه 00 ليه نايم كذا؟00
شكله فعلا قتيل00
والوقت الحين بعد العصر
وانا ماغيرت لبسي
ولا صليت الظهر
نادته 00
بصوت ناعم مثل النسيم
00 مايرد
كررت
ونادته مره ثانيه
برضه مايرد
قربت منه هزته 00
ماتحرك
قربت اكثر
000 فيه ريحة عطر 00
ريحته قويه000
0خايسه
00وعع وش ذا العطر00؟
قربت اكثر00
00 قالت لا ماهو بعطر
مصيبه لا يكون شارب خمر000
معقول ؟ 000
عريس غيبه السكر00
واحتارت في امرها
وسألت نفسها
وش تسوي بعمرها؟
تعلم امها
والا تكلم ولي امرها؟
فكرت شوي
وشافته يتحرك 00
وقفت بعيد عنه في الممر
وفتح عيونه وشافها
بحلق وامعن فيها النظر
قال مين انتي ؟
واش طلعك في ذا الفجر
خافت منه
و بغت تستخف من الذعر
صكت على نفسها الباب
ومن الله جاها عذر
واستمرت على هالحال
من يوم الى يوم
يزداد شرب وسكر
اذا صحي
ولا يصحى الافيما ندر
فهو قيس بن الملوح
وابن ابي ربيعه عمر
وغيرها00 شيطان رسمي00
لاعب براسه شرب الخمر
كم كف يضربها00
ولطش000
ودف00 غير شد الشعر
في وجهها كدمات 00
وتحت العين00
و جرح نافذ في الظهر
في جسمها جروح00
وفي قلبها طعون00
من شي اسمه رجل
تحطمت00 وتدمرت00
من داخل القلب اللي انكسر
ورجعت لاهلها
بعد العرس بكم شهر
مريضه متألمه 00
وحامل في رابع شهر
الوجه شاحب 00
الجسم ناحل00
والعين تدمع 00
والكل يتساءل00
كيف ترجع ؟
كيف تترك بيتها ؟
كيف تهدم نجاحها بيدينها؟
يظنون انها بس تخرجت
وتوظفت
وكمان تزوجت
مادروا باللي حصل
مادروا
انها ماتوفقت
وانها الان
0000 تطلقت
وفي زواجها000
ماتوفقت 0