ياحـرف بأكـتب..!!

ياحرف بأكتب.. قد خطى حرفي العيب=وياحرف كمّل بالشروح الخطابة
خل القلم يرمي بلا سهم ويصيب=يصفق على خد الورق غيض ما به
"ياطين" ما أدري من متى جا لك الطيب=ولا أنت مثلك ما يزكى نصابه
قليل ما نحسب لمثلك محاسيب=وزنك صغيرٍ بالملا يا (ذبابة)
بألقاك وأمسح في الثرى بالتلابيب=ماني بمثلك عزوتي بالكتابة
عمر الحصيني ما تلا خطوة الذيب=يبطي يماري في سلوم الذيابة
بأنصحك تدري ما تفيد التلاعيب=مكشوف سترك..فاضحاتٍ ثيابه
مير اقصر الهرجة دلالي مذاهيب=مايقلط الناقص قليل المهابة
ما ترفع البيضا بغير المحاريب=وتقوم عالباغي حدود الحرابة

الجـــ(24/4/1426هـ)ـــرح