الله يقطع حظي ....!!!

الله يقطع حظي اللي مايجيب إلا الجراااح = والدليل بوسط قلبي طابع(ن)ختم الجريح
من ردات الحظ ليته ماتعناا واستراااااح = لعنبو حظ(ن)يعني صاحبه ثم(ن)يطيح
إفرحي ياروح ونسي ماحصل ولا ورااح = والنهايه كالبداية ماتروح إلا ذبيح
الشعور اليوم متغير ويكسوه إنشرااح = والهوى شرقي نسيمه للمشاعر يستبيح
يالغلا تدرين قلبي لو تكلم كان صاااح = ما ألومه ولله إني لو مكانه قمت أصيح
من يشوفك طال عمرك قال يسعد هالصباح = الله يسعد لي صباحك ياحنيٌن يامليح
ياتباشير الهناا وعذب تفاصيل المــلااااح = لو بغيت أوصف جمالك مايكفيك المديح
زهرة(ن)ربي حباها بالحلا والزين فاح = ياهنيه من قطفها والشذى منها يفيح
قربها أعذب من شعورك بالفرح يوم النجااح = يالله إني طالبك في وصلها لو هو شحيح
يالغلا عندي طلب واحد وعندي إقترااح = لو يجي قلبك معا قلبي لعله يستريح
وأعذريني يالغلا جيتك وطالبك السماااح =مانويت أخلف بوعدي وأنا من طبعي صريح
السبب حظي ..وحظي عارفه لافز طااح = الله يقطع حظي اللي مايفز إلا يطيح