أبيات أعجبتني 00 كل واحد يشـارك

أكتب وأسلي خاطـري بالكتابـة=كود التهي في نظم الابيات وأنساه
واثر القصايد منه قامـت تشابـه=من وين أقلب دفتر اوجاعي ألقاه
هذي قصيدة قلتهـا فـي عتابـه=وهذي قصيدة قلتها يـوم فرقـاه
وذيك القصيدة قالها مـن عذابـه=يكتب قصيد منكسر بس ما أحلاه
ويقول جابه كـان تقـدر تجابـه=واقول شعرك لعنبو مـن تحـداه
ويروح يضحك ما أقتنع فالاجابه=ويقول شعرك زين بطل محابـاه
وأقول طبعا زين لأنـك زهابـه=لاصرت روح البيت وشلون تبغاه
واليوم ذاك الوقت جمـع شبابـه=واقفى ولا ادري صاحبي وين وداه
ورضيت مـدري ذل ولا مهابـة=ابعد وأهل الدمـع لايـام ذكـراه
الشعر والليل وبيـاض السحابـة=والضحك والحظ الردي والمعانـاة
كلـش يذكرنـي بوقـت غدى بـه=ياوين ابرمي ذا الجسد فيه وانساه