[ الملحق ]

مهمــا ارغمتنا الايام على الغياب
يظل القلب مرتعا للاحباب والاصحاب , عُدنا بكل الود والغلا ولم اجد اوسع من هذه النافذة
لكي اطل منها مجددا واقول ..
السلام عليكم ورحمة الله وبركاته وكل عام وانتم بخير

,
,
يقولون ..
بعض العلــــــــوم " تجي بالعافية وبعضها تجي بالسعلة "
مو مشكلة ,, العلوم حقيقة وفيها اخذ ورد لكن [ الحلــــــوم ] بعضها ,,
" يجي بالمغصـ والاغماء " طيب .. احنا تعبنا في العلوم
وشهو له ننشب اعمارنا بالحلوم


على طاري الحلوم ( الاحلام )
هناكـ الكثير من القنوات يظهر عليها مفسروا الاحلام
ويا كثر الاتصالات والمصيبة كل المتصلين من الجنسين احلامهم
يا جمال تطاردهم او حنشان ,,لا ويقول يا شيخ رأيت إنّي ابغى اصيح ولااقدر
هذي بنقول غصب عنهم لكن المفسر العظيم تفاسيره مختلفة
لا .. ويصدقونه !!!

..
.
واحدة تقول يا شيخ شفت ان فيه حنش بيني وبين الثوب
اولاّ سمّي بالرحمن قبل ترقدين ولا تقطّعين في ظهور الجيران
وبعدين اهتمي بالحنش الصغير اللي جنبكـ ع السرير وارقدي ع اليمين وظمي رجليكـ
وعلى مسؤوليتي ما تشوفين الا الخير

..........

وإلا الثاني ,, يقول ..
يا شيخ رأيت فيما يرى النائم بأن بعيراً يطاردني
ثم اقبل حتى تمكن مني وفمه فاغراً يكاد يلتهمني وانا لا استطيع الحركة
يا هوه .. اول شيء لا تصكها فـ المفطح الى المخنقة وتتملس بالشحم ثم تروح ترقد
وبعدين شف حل لفم الحاشي الصغير اللي بجنبكـ وحرام ان تصكها نومة الى الصباح
لا عاد تحلم ولا تعلم وخل النوم على ظهركـ عشان ما تشخر وتتحلم
ولو فرضنا جاتكم الاحلام غصب انكتموا ولا تعلمون احد ,, من السنّة اذا كان الحلم مزعج
قم واذكر الله وتعوذ من الشيطان وتفّ ثلاث مرات على الجهة اليسرى
بس انتبه لا تكون المحروسة على يساركـ تلطخ وجهها تفال
ثم تمسون في ليل البعر ...... [ مجرد نصيحـــة ]