من روائع بن عزيز 2

انا فوجيت بابن الجار والجار له حق كبير
يطرق الباب قبل ايام ويقول عطني خمسميه
قال هات خمسميه واعتبرها سلف ولا تلف
لفت انظاري ابن الجار متغيرطبعه وشكله
لابس الجنز والقبوع وبجيبه الايمن بكيت
قلت عندك وظيفه قال عاطل ولاعندي وظيفه
قبل عامين اخذت الثانويه وادور واسطه
قلت رح مركز التجنيد واكتب وسجل عسكري
قال حاولت واعطوني نماذج وقالوا كشف طبي
كتبوا لي في التقرير ماني طويل ولا قصير
التفت فيه الدكتور واختم على اسمي ختم رسمي
غير مقبول لان الوزن ماهو خفيف ولاثقيل
قلت ياصاحب المطلوب ماقلتلي وش لازمك
قال باروح انا واهلي ونعمل سياحه داخليه
ابغي الباحه والطايف وجده واريد ابها عسير
قلت يابن الحلال الخمسميه تكفي قوت ليله
اربعين الف ماتكفيك مادمت صاحب عايله
بين الاسواق وانواع الشقق والفنادق والملاهي
والسياره غلي مصروفها والمعيشه غاليه
قال ياجار انا من غير تحقيق ودي بالدراهم
قلت مديون دوبي جبت صالون من عبداللطيف
اشتريته على التقصيد والبيع كاش بنصف قيمه
والدراهم قليله ودي اقضيبها بعض الديون
والمدارس على الابواب والمدرسه تبغى مقاضي
لو معي نقد عشرين الف وزعتها عالمكتبات
ادبر الجار من عندي يهمهم يدينه في جيوبه
اسمعه يقول جده غير والطايف احلى لي مصيف
واسمعه يقول ياصالح يجي كل عام وصيفك ابها
واسمعه يقول جو الباحه احلى لكم واحلى لنا
قلت له لاتروح بعيد في ظني الطايف حلالك
تقضي العمر حول شهار ومن الحويه للشفا
واطلب الله في التوفيق ويحلها حلالها