[ الملحق ]

الليلة ,, نستكمل حكاية الغراب والحمام
وساحاول اختصارها ,,,, خلوني بس اقلكم ليه سمّى ابنه صقر
يقولون ,, نقلا عنهم ,, انها رغبة منه ليصبح صقر اسم على مسمى
مو مهم الاسم لا يعني الكثير

في تلكـ الليلة الممطرة غادر ( بو صقر ) الديرة
لاكمال دراسته " برّى " وكانت وجهته .. لنـــــــدن !
علما بانه لا يحمل سوى الابتدائية ,, بس كان لها قيمة ذاكـ الوقت !
كل الوزراء حينها بسادسة ,, اهم شيء يعرفون يكتبون ويقرون ويعدّون الفلوس !
ورئيس الطيور هاكـ الحين عنده اولى ثانوي ومكمل بالاملاء والعلوم
المهم .. وصل لندن .. قالوا وش تبي تخصص ؟ قال لغة عربية !!!
قالوا ما عندنا بس فيه معهد قريب خاص بالعرب المعارضين
فيكـ تروح له ,, باللهجة الابنانية .

انبسط واول يوم بالمعهد ..
لقي هاكـ الطيور العربية الطيبة اللي في جباهها نقط سوداء
رحبوا فيه وقالوا لازم تسوي نقطة بـ ( اليبهة ) قال انا اسود ما راح تبان
قالوا حطها بيضاء وفعلا سواها ! لكن بعدما شافهم يسبون طيور العرب
ويحشون بعصافير المسلمين ولا جابوا سيرة اسرائيل
" طلّق ما عاد يقعد فيها "

المشكلة وهو راجع
مر على منطقة اسمها " حشيشستان " فيها طيور مسلمة
اكرموه وزوجوه غرابة زغنطوطة لونها احمر << تعرفون هناكـ طيورهم ملونة
ويوم اكتشفوا انه جبان شوي ,, عالجوه بالخشخاش ! وملعقتين قاز على الريق لمدة شهر
وبعدما اصبح شجاع قالوا توكل على الله وهذي قنبلتين ,, زويدة .
وهو راجع نسي واحدة من القنابل على راس " طلحة "
والثانية طلعت [ فشنق ] فرماها في عش نسر !
ورد لديرته وصار يحدّث ويلقي خُطب !؟!
وتزوج اربع منهم ثنتين كهيل

صاح على الطيور بالنعيق
جاه غراب شايب ,, يعني فيه شوية بياض وقال
( يا ابن الحلال اهجد تراكـ اذيتنا ) بالصياح والعفيق قصده النعيق
كَنّ الرجال ,, يوه قصدي الغراب صحي !! رجع البيت حلق عمره كله
وابعد العلامة الفارقة ولبس ( كويس ) وبدأ يدخن ويتعطر
وياكل توت وكرز وفراولة واحيانا " تبـــــن " طازة
طلق النسوان الاولات وتركـ القراءة على العجز
وقرر ,, الزوااااااااااااج .

لحظة خلوني اشوف من عند الباب
كلمة زواج هذي تسبب صجة ولجة .......
راجع لكم ان شاء الله