بلسم جرحك

تبي بلسم يبري جروحك ويشفيها=ترى بلسم جروحك صدا نبرة أحزاني
فرايد قصيدي لو تتبع معانيها=تجدها تواكب قاصي الناس والداني
جروح المشاعر ما لقت من يداويها=وراع الوفاء من جور ما شاف وجعاني
تموت الجروح وكاسح الحظ يحييها=وقلب المواجع يبعث الراحل الفاني
ولاسرار ما يعلم بها غير واليها=ومهما نحاول نكشف السر ما باني
لحا الله ذا لدنيا عجزنا نماشيها=فكم شتت فكري على كل لوطاني
تبيّن لك الجوهر وتخفي بلاويها=وفي منتهى طيبك لها تصبح الجاني
تهاجم سعادتنا وبالروح نفديها=ونرخص لها الغالي وترمي لنا الداني
ترفق بروحك يا والحذر لا تعنيها=وخلك شديد العزم لو كان ما كاني
ترى الناس مهما كان ماشيّ يرضيها=من الصعب تقدر ترضي فلان وفلاني