((( عقـد الألمـاس )))

للتواااااااصل يالنشاما معكم في هذا الصرح الشامخ
قصيدة بعنوان عقد الألماس آمل أن ترتقي لذائقتكم

سر ياقلم وأكتب جديد المعاني=أكتب جديد الشعر من فكر وإحساس

من فكر ابن بلعوس هات السماني=هات البيوت اللي كما عقد الألماس
اللي تجمّل عند قاصي وداني=مثل الدرر مصفوفةٍ بين الأقواس
نظمتها من هاجس ٍ ماعصاني=من هاجس ٍ يلعب على كل مرواس
من هاجس ٍ عشره ماترجع ثماني=لا طالت الطرقة على أقصار الأنفاس
قريحتي من فضل ربٍ عطاني=تفرح ليا ولمت حبر ٍ وقرطاس
وأبعد هدفها عن أدروب الطماني=لي شيمة ماهيب ترضى بالأدناس
لاشفت من يرجم طوال المباني=جنّبت عن دربه وأنا رافع الرأس
عن الخطأ عقلي وديني نهاني=ما والله أجاري خطأ كل من هاس
أدرا مقامي والردى مانواني=تلب الردى ماهوب للرجل نوماس

وعجفا رفيقي ماتزعزع كياني=لو كان أشوفه للخطأ يضرس أضراس
أحلم عليه ولو بهرجه دهاني=أخير من لطمه قدم كل الأجناس
يفرح عليه مدوّرين الهواني=وأنا السبب في كسرته طيّب الساس
ولابد مايندم لاطال الزماني=لاميز الوافي عرف كل هلاس
وترى الجهل يغوي فصيح اللساني=كم واحدٍ من سبته ذاق الأتعاس

وربعي بني عمي طوال اليماني=ماطعت في هم كل مفسد وبلاس
هم محزمي لمتس حبل البطاني=في ساعةٍ لاهب للخوف نسناس

أفخر بهم في كل وقت ومكاني=وأنا سندهم لاحصل في الزمن باس
في ماقفٍ يبرز عريب المجاني=لاضاقت الدنيا على كل قرناس
هذا الصحيح وزبدة الهرج باني =ياللي تدقق في الجواهر والألماس

تسلم بارك الله فيك يا الغالي

وربعي بني عمـي طـوال اليمانـي

ماطعت في هم كـل مفسـد وبـلاس

هم محزمي لمتـس حبـل البطانـي

في ساعةٍ لاهـب للخـوف نسنـاس

أفخر بهم فـي كـل وقـت ومكانـي

وأنا سندهم لاحصل في الزمن بـاس

في ماقفٍ يبـرز عريـب المجانـي

لاضاقت الدنيـا علـى كـل قرنـاس

هذا الصحيح وزبـدة الهـرج بانـي

ياللي تدقق في الجواهـر والألمـاس

الحميدي

جميل تواصلك
لا هنت ولا تحرمنا جديدك
كل الود

الف شكر على الابياات الرائعهـ،،،


"بارك الله فيـــك "

المشاركة الأصلية كتبت بواسطة بن ظافر

تسلم بارك الله فيك يا الغالي

وربعي بني عمـي طـوال اليمانـي
ماطعت في هم كـل مفسـد وبـلاس

هم محزمي لمتـس حبـل البطانـي
في ساعةٍ لاهـب للخـوف نسنـاس
أفخر بهم فـي كـل وقـت ومكانـي
وأنا سندهم لاحصل في الزمن بـاس
في ماقفٍ يبـرز عريـب المجانـي
لاضاقت الدنيـا علـى كـل قرنـاس
هذا الصحيح وزبـدة الهـرج بانـي
ياللي تدقق في الجواهـر والألمـاس

بن ظافر ومن قال سالم وغانم ولاهنت