هل تقبلين بزوج راتبه 2000 ريال "" للنقاش

شكرا لمروركم على موضوعي وهذا شرف لي ووسام على صدري

بصراحة وبعيدا عن المثاليات ما اعتقد صعب جدا العيش واعتقد اي بنت نفس الراي

الا اذا في حب كبيييييييييييييييييييييييييييير ممكن تتغاضى عن راتبه وهالشيء عندنا شبه نادر بس اذا مااعرفه وقالو ا لي راتبه الفين بقول الله يسهل دربه ويستر عليه

يعطيك العافية

روح القصيد على الموضوع

والعوافي لأغليبة البنات اللي ايدوا فكرة الموضوع

واقول لمن اختلفت وجهة نظره وليس لي معارضه عليها

فكل شخص ابصر بمصلحة ولكن اقول لهم هذا من اسباب العنوسة عند البنات

من وين نجيب لهم ضباط ولا رجال اعمال ولا تجار علشان يوفرون لهم متطلباتهم

والظاهر بيبطون عظم ... اما صالح ال سلمان اللي يسمعه يقول انه كان شريك للراجحي

يوم تزوج وهو باقي بالاجار الى هالحين ,,, احمد ربي وخلك الشباب يعرسون ..

ولك تحيتي

ههههههههههههههههههه سد الوادي

في الصميم

اهم شي الدين والعقل واذا عن الراتب يما ناس ابتدت رواتبهم بـ2000 وانتهت بـ10000اهم شي الدين لان الله بيرزقهم من عنده وكل انسان خلق خلق رزقه معاه محد ميت جوع
تحياتي وتقبلو مروري

لا و ه

:

انا بكل صراحه لا انصح بذلك
الا اذا كان المنزل ملك والسيارة ملك والزوجة تصرف على نفسها ولا يجيب اطفال ولا يفكر يسافر ولا يحاول يعزم احد لان الخروف مع الطبخ 1500ريال يعني الله يخلف على 500 بتروح فواكه وحلى
بصراحه المصاريف تكسر الظهر
ليس هناك مقومات للنجاح مادياً مع متطلبات العصر
ابو عبدالله

أول شيء حشوك ملح فكرك يوم البغدادية لك إن العرب عبآك ماودي أحاكي لعون وأنت عارف


ندخل في الموضوع ؛؛؛ تزوجت وراتبي 2400ريال ويشهدا لله على تلك الفترة حلاها ومرها
واليوم الحمد لله صحيح كل شخص علية ديون أجار لكن الحياة تمشي
إذا فيه تفاهم ومساعده مع البعض والصبر وعدم المطالعة فوق هذا والله أعلم

الي راتبه 2000 لاياخذ سعوديه ...

لان السعوديه مصارفها واجد ...

بالمقابل لبنانيه او سوريه تكلفك مع الزواج 5000 ولاتطلب مصاريف واجد ولافيه شف اختي شف فلانه وعلانه ..

<<وكمان احلى

أصلاً اللي راتبه عشره
مايصفى منه الفين مصروف
بين فواتير وقروض ويادوب يصفى الفين

لكن اللي راتبه الفين لايحاول ياخذ قرض يتوكل على الله والزواج الله ييسره
وبعدين قسمه ونصيب مو على كيف الواحده توافق ولا ماتوافق إذا الله كتبلها ذلك الشخص
لو كان ماعنده راتب راح تتزوجه

شكراً لك

اقول لكل واحد ما اعجبه كلامي
انا ما اجبركم على كلامي
بس اقول حتى لو وافقت البنت وقالت في البدايه الحب هو الباقي
لو كان يعطيها عشه في الصحراء
كله كلام مسلسلات
في النهاية الماده هي المسيطره
ومن اول عزيمه تحضرها البنت
راح ترجع تدعي على اهلها انهم زوجوها به
وهي اللى موافقه واشغلت اهلها
وتبدا حياة النكد
بن ظافر انت سديد ومعك من يحاوشك
ولا كان يمديك في البحر غرقان
سد الوادي الله يهبلنا ولو ربع ما اهب للراجحي
والله انا ما اتكلم على انو انا مبسوط بالعكس الديون ملاحقتني الى الان ولا فيه احد خالي من الدين
بس اتكلم بالعقل المعيشه ما تساعد على تكوين اسره بهذا المبلغ الذي هو مصروف فاتورة جوال بكل صراحه
للجميع مودتي
ابو عبدالله