قصيدة فتاة اجبرها ابوها ع الزواج من شخص لاتريده...

فتاة اجبرها ابوها على الزواج من شخص

فلما قرأها رجع عن امره وجعلها تختار من ترغب

وهذه نصيحه لمن يجبر بنته من الزواج بمن لا تحب او لا تريد

يابوي خلوني علـى كيفـي اختـار
يابوي هذا العرس مابـه غصيبـه

يابوي لاترمون قلبي علـى النـار
وتصير بكـره ياجماعـه مصيبـه

يابوي انا اللي عارفه كل الاسـرار
قلبي وانا ادري فـي دواه وطبيبـه

يابوي انا مليت من كثـر الاشـوار
والموت من شور القريـب لقريبـه

يبه .. يبه .. يامكرم الضيف والجار
ياسيـدي ياتـاج قلبـي حبيـبـه

لو شفت دمعي تالي الليـل مـدرار
النوم حاربنـي وانـا لـه حريبـه

في خاطري هم .. وهواجيس وافكار
ماجابت الورقا من النـوح اجيبـه

الله يعين الـي مـن الهـم محتـار
اعيش فـي دنيـاي مثـل الغريبـه

الحلم الاول مـات يابـوي وانهـار
ذبحت حلمي ليـه .. والله عجيبـه

يابوي زاد الهم ضاقت بـي الـدار
صارت حياتـي ياحياتـي صعيبـه

وشعاد لو في غرفتي ورد وازهـار
اشوفهـا يابـوي مثلـي كئيـبـه

ياتـاج راسـي لاتحمّلـنـي أوزار
تكفا طلبتـك .. لاتزيـد المصيبـه

ملطوووووووش..

من جد حرام إن الأب يغصب البنت على الزواج
لأن البنت إذا انغصبت على الزواج مستحيل راح تستانس معه
وراح تحصل مشاكل مالها اول ولا لها تالي وفي راح يندمون لكن بعد مفات الوقت
مشكوره يالمهره على القصيده ...

يعطيك العافية على هذي القصيدة

يعطيك العافية على هذي القصيدة

تسلمين يالمهره عنجد قـصيده روعه في روعة ناقـلتها

دمتي بود أختك ** جرح الذكريات **

يسلمووووو القصيده مؤثره جدا



ضي العيوون

صراحه قصيده جيده وحقت زنقات ...مشكوره يا اخت (مهره).
ن - لكن السؤال هل تزوجت الفتاه بمن ترغب بعد القصيده ام طارت الطيور بارزاقها؟؟؟
- اللي مايعرف يسوي قصيده او يطابق كلمتين اش يسوي ؟؟؟؟

وتقبلوا ارق تحياتي،،،،،،،،،،،،،