من القصائد القديمة

قصيد الشاعر سحيم بن ملفي الكريمي رحمه الله

الا يالله اني طالب وجهك الغنـي = طالبناك يارحمان فانت قريب
فلم تنخدع مما بروحي وحالتي = ويا من بحالات العباد رقيب
انا اجوربك من النارلا ابدي لبابها = وانا اسالك لا سمع زفرها ولهيب
انا اسالك تهابني مع فرقت النبي = في الجنة الخضراء محل الطيب
يقوله سحيم وصادق في مثايله = يغني به التالي بطرق عريب
تراني نقدت الناس من جور علمهم = ذنوب كبار والمحل قصيب
فعاد الزنا والكذب والزور حاضر = وهتك في المخلوق يوم يغيب
ولا عاد جاهلهم يحشم كبيرهم = ويتمانهم مثل الغنم للذيب
ولا عاد معروف ولا عاد شيمه = ولا عاد حي بالصديق لبيب
فلا كن لاما ورد الله حكمته = فلا عاد ينفع عاذل وطبيب
ترى الناس قسمتهم عبى قسمة اللحم = يفرقه الجزار بعد نصيب
ففيهم كراعين وفيهم مواسط = وخشم ولحي وبادر وعصيب
خيار العرب ذا جيد فثر جيد = يرحب ومحي النطو يوم يصيب
فهو سعد ظيفان وسعد الجماعة = وسعد الصلل يسبق على الترحيب
وفيهم صبي القوم لا دخن الملح = الى غطرف الصايح ويبس الريق
وفيهم صبي الشور فتال حجه = فلا تنقضي لشوار يوم يغيب
وفيهم خبيث الخال قطاع ساقه = يجزك بمامنه القرون تشيب
وفيهم بخيل لا يساعد جماعته = شراء البن عنده والفراش تعيب
فهم عادوا اقسام وكل لمقسمه = وكل معه في ما عنا طريق
ولي لابة في نجد على الحد والوطن = تلوع العشاير مثل لوع ضريب
بلاد الجمعه علها سارح المطر = ولا ضل فيها رزمة و حديد
تراني سمرت الليل واتالي الفكر = وللشعر من بين الثنايا لعيب

واعذرونا على القصور................

الله يعطيك العافيه

العمري ما حصل قصور كفيت ووفيت

قصيدة جميلة وتستحق النشر

رحم الله الشاعر ووفقك الله ياغالي

بيض الله وجهك يا ذيبان .. وجمل حالك

والله إن لي مدة أدرو على ذا القصيدة الله يعطيك العافية