ياكثر ما اعزها

ياكثر ما اعزها

--------------------------------------------------------------------------------

الـود والاحتـرام لبنـت الرجّالـي=لولا الحياء يا اهل المعروف اسميها
جلاية الحزن مع همٍ بـرى حالـي=وريثـة العـز والامجـاد تعنيهـا
درة بحر بالجمال ومهرهـا غالـي=البارعـه بالتماثيـل ومعانيـهـا
لباسها الطيب من عم ومن خالـي=عفيفة العرض والرحمـن حاميهـا
بشوشة الوجه بالاوصاف تختالـي=سبحان رب بكـل الزيـن كاسيهـا
ياكثر ما اعزها وان جت على بالي=هبت رياح الغلا من شان داعيهـا
زين وكمال ودلال ومنـزل عالـي=مع سلم المجـد ثابـةٍ خطاويهـا
سليلة العز مـن اول ومـن تالـي=من روس قومٍ عزيـزات مجانيهـا
ربعٍ لهم في سماء الامجاد منزالي=فـوق الثريـا مبنيـة مبانيـهـا

أحييك أخي سهيل الجنوبي على القصيدة الجزلة

صح لسانك .. وسلم بنانك

وقد تم التنسيق بواسطتي

لأن شطري البيت كانتا متشابكة .. مما كان يصعب قراءتها

لذلك عزف الجميع عن الرد

فقمت بالتنسيق أعلاه

أشكرك وأتمنى لك التوفيق

والمعذرة منك يالغالي

السلام عليكم ...

صح الله لسانك يالغالي ...

قصيدة رائعه جدا ...

لا حرمناك يالغالي ...

تحياتي لك ...

والسلام عليكم ...

الاخ العزيز الجرح وفيت وكفيت ولك الشكر
والله يحميك من جروح الدنيا والاخره ولك تحياتي