يقـولون العمر رحلة تجارب والحـياه كتاب

قصيدة من اختياري اتمنى ان تنال اعجابكم

مـجاهـيم القــدر تـرسـم لنا .. بـاب وملامح باب=تعـب من يـنـتـظـر ملفى .. مغـاتـيـر القـدر ليله
تعب واقف على بابه .. تعب من نظرة الأصحاب=تعـب من منـظـر خـيوله.. وصوتٍ تصدره خيله
يقـول إن السفـر باكــر.. وباكــر دايــمٍ مــرتاب=ويومه.. وش رجى يومه.. مادام الليل قافي له
يقـولون .. العمر رحلة تجارب .. والحـياه كتاب=تعلّم .. والثمن مدفوع .. سنين العمر تصخي له
تعـلّـم .. دام لك وقـتٍ يـجـود .. وهاجسٍ جلاب=تـعـلّـم دام بك قـلـبٍ يـتـوق لـقـلب يـصـغـي له
حبيبك .. يعـشقك حاضر .. وحاضر يعشقك بغياب=يموت .. ولا تموت أحلى سنينٍ عشت غالي له
ترى .. وإن هــو تغـيّر .. فالزمن ياصاحبي غلاب=ابـد لاتلـحـقـك شـرهـه .. إذا عـنّـت مواصيله
ترى عمرالهوى .. نظره.. وبسمه.. وكلمتين عتاب=وذكرى .. تسكن بذكرى غـرامٍ عشت وافي له
مدام الـــرٌجْـل .. ما داسـت مـشاويـرٍ بها تـنـعاب=سعادة بعـض خلانك .. شـقى بعضك .. مراسيله

كالعادة .............................

إطلالة جميلة

وذوق راقي في الإختيار

شكرا لك على ما نقلت يا أخوي أبو سلطان

أنا عندي اقتراح :

ليه ما تجمعلنا كل قصايدك المختارة الحلوة يابو سلطان

في موضوع واحد ؟؟ عشان يصير عندنا شبه " ديوان " لقصايد روعة ؟؟

والله ياريت وهالموضوع يتجدد دايم ..

لأن فعلاً اختياراتك كلها رائعة ..

يعطيك ألف عافية ياأخوي ..



اختك .. العناااا ..