الشاعر طلق العتيبي يمدح بني عمرو

شفت البلاد اللى عليها المطر هل"="بلاد الوفا وأهل الوفا يا بن سلمان
ما يكفي الانتر واقول السفر حل"="من نجد بااسوق الركائب بالارسان
ابي اتوجه يمها واتمهل"="نعمه من الله التردد بالاوطان
بلاد بني عمرو اللى لها في الكرم ظل"="واهل الشجاعه يوم زوغات الاذهان
أقول نعم بدون تخصيص للكل"="اهل الفعول الطيبه عبر الازمان
وقفاتهم للترك تشفي من الغل"="ابناء تميم وكعب ذربين الايمان
شعارهم للضيف دائم تفضل"="حطولهم في صفحة الطيب عنوان
أن جيت فالمطلا وحرفه تمقل"="بروعة طبيعتها على كل ما بان
اجلس على الروض الخضر واترك الزل"="وانعم بغيم كل ما مر هتان
ماني مخاوي كل ضائع ومنحل"="اللى يدوج بوسط لندن ولبنان

هذه القصيده مهداه من الشاعر طلق العتيبي المعروف (بالحسام)
وهو احد الزملاء في العمل وعندما قام بزيارتي في بني عمرو
ومشاهدته لبعض الصور في المنتدى جادت قريحته بهذه الابيات الجميله
التي يمتدح بها ديار بني عمرو وقبائلها0
اتمنى من جميع اعضاء المنتدى وخاصة الشعراء منهم
الرد على هذه القصيده وكل يجود بما لديه وانا من ضمنكم0
وتحياتي للجميع
محبكم سيف الساهر 0

اهلاً هلا بك عد ما ينبت الظل=وجبال حرفه كلها يمك أذهان
يامرحبا ترحيبه(ن)كلها فل=نروح شذاها فاح في كل الاوطان
اهلاً ترحب بك بني عمر بالحل=زين الرجال اللي سكنها وهيمان
ياسيدي نفخر بمدحك على الكل=ونعيش بأفراح(ن) لها الكل ولهان
ماهوب هرج(ن) بس للعز تنهل=اصلك شريف وتنتمي لصل عتبان
ياسيدي لا ما وسعك الجبل طل=تلقى الجميع احباب لك وانت فرحان

تحياتي واسف على التقصير

المسكت

يا مرحبا ويا هــلا عدد ماهل وبل

******** من خاطر(ن) يقدومكم اليوم طربان

ترحيبة (ن) من عمري مــا مل

********* للضيف اللي لفانا وبه الدار تزدان

يا عتيبي لك بالخافق اليوم محل

********** انت راعي الدار وحنا الضيفان

لك بعد الغلا فوح دله وتفنجل

********* قامت بني عمي لك والكل فرحان

بني عمي هل الفزعات والمراجل

*********** ليا شبت شبوب والترك برهان

تشهد بني عمـــر لعتيبه وتبجّل

********** من اولهم لآخرهم قروم وفرسان

مكرمين ضيفانهم بفنجال مهيّل

********* كم وكم خاويت مناعير(ن) عتبان

يا الساهر بلغ الغتيبي عني ووصل

********** يزهابكم التاريخ على كل الازمان

منزلك عندنـا يا صاحبي منزل

*********** كل بني عمر لك اليوم اوطان

سليت القلم لك يا رفيقــي سل

****** هيضتني يا صاحبي بخاطر(ن) طربان

للقصيد هلّه وخيره ما قل ودل

******** حاولت لجلك اطوع له كل شيطان

وختامها مرحبا بك يا هلا وتفضل

******** مدهالك القلب بين ربعك والأخوان



والعذر من الجميع للمحاوله المتواضعه

من شخص لا يعرف عن عالم الشعر غير التذوق

لكن ضيفنا العتيبي أجبرني بكلامه العذب

والعذر من الله ثم من الضيف ثم منكم

ان لحق قصور

أخوكم

جمـــــــــيل المحــــــــــيا


;tr5s4)

صراحة بعد رد المسكت وجميل المحيا ما لنا إلا الصمت
أهلا بك يا سيف الساهر واهلا بضيفك العزيز
وعاش من يرفع راس ربعه

المسكت
جميل المحيا
اشكركم على ردودكم اللى ترفع الراس
سعيد تسلم على المرور بس اتمنى من الجميع المشاركه بدون قصور فى المسكت وجميل المحيا لنعطى الجميع الفرصه وكل يضع مالديه وسوف اوافيكم بردى عن قريب
تحيات للجميع واتمنى من شعراء بنى عمرو ان تصلهم هذه القصيده للمشاركه معنا
محب بنى عمرو
سيف الساهر ;tr5s4)

ياسيدي لك بالحشاء لوعه الطفل=لا غابت امه دوووم بيكون ولهان
كرر زياراتك عسى يسعد اللكل=وينبت شذى الديره على ريح ريحان
في طلتك زان السعد وابعد العل=وفي جيتك تشوفنا كلنا اخوان
المدح في حظرتك يفرش له الزل=حشئ ولا نوفيك خل(ن) لخلان
انت الوفاء منك بداء المدح ينهل=بعيوننا نوفيك كلمه وشجعان
اسعد ليالي ديرتي وانت تقبِل=حتى طيور الجو غنت بأللاحان
ياسيدي بالقلب لك منزل حل= حنا الفخر بك وانت في بيت سلطان

07
تحياتى لك على ماسطرت يداك والله يعطيك العافيه وننتظر المزيد من الردود
وانا ان شالله ردى فى الطريق بس احب مشاركه الاخوان فى المنتدى

اصدق الامنيات للجميع ولك بالتوفيق ويسلم اللى يرد ويشرف روسنا عاليا
محبكم
سيف الساهر ;tr5s4)

تمنيت لو انني شاعر
مشكورين اخواني على جميع الردود وما زلنا نتطلع الى افضل من ذلك اعزائي0
ولن اعدكم بشئ ولكنني سوف احاول صدقوني ولا يلام المرء بعد اجتهادي0
اخوكم دباس

المسكت اخووووى
تسلم على هذه الردود الجميله وهذا من ذوووقك الرفيع
تحياتى لك

محبكم

سيف الساهر
;tr5s4)

تحياتى لك الشاعر الحسام وهذا ردى عليك ياشاعر عتيبه

حل الفرح فى خاطري والسعد هل= من بعد شفت بيوت ذربين الايمان
يامرحبا بالضــيف من يوم يقبـل=ترحيبة من قلب صافي وولهـان
اهلاهلاعـداد نجـم وماطل= وعدادورقنا غردت فوق الاغصان
انـتم عتـيبه طيبـكم يغلـب الكل=اهل الكرم واهل المراجل وفرسان
رجالـكم يــوم اللـقا مابــعد ذل=صفوة نشاما من بنى عم واخـوان
تفضلو في بيت مفـروش بالـزل=فيه الكرم والطيـب ودلال رسلان
وختامها مخـتوم بالمسك والفل=قالــو لمـن وقلـت تضـفى لعتبـان

محبك سيف الساهر;

ابداع منك سيف الساهر
تحياتي ومشكور على الرد الى والله من بعده ما عاد افكر اتعب نفسي واحاول اكتب ولو بيت ولو انني قد كتبت ثلاثة ابيات حتى الان بس بعد ما شفت ردك ما عاد به ردود 0 وسلامتك0
اخوك دباس الجارح

تسلم دباسوووووه على كل كلمه قلتها يكفينا تواجد الجميل معنا وياليت تكمل قصيدتك لاننى اتمنى مشاركه الجميع ننتظر ردك
تحياتى لك

محبكم

سيف الساهر ;tr5s4)

الساهر مرحبا بك انت وضيفك الحسام ابن الصناديد الرجال يا من حما نجد وحله اشكرك الشاعر الحسام على مشاعرك الطيبه حيال قبائل بنى عمرو وهذا مايزيد من علاقه طيبه بين قبائل الجزيره العربيه وان شالله سترى الرد فى القريب العاجل لكونى لما اشاهد هذه الابيات الا الوقت الراهن
تحياتى لك ولشاعر الرومانسيه (الساهر)

اصدق الامنيات لكم بالتوفيق

(القفلى);tr5s4)

القفلى اشكرك على المرور وننتظر ردك لما اعرفه عن شاعريتك الكبيره بالمنطقه تحياتى لك وبالنسبه للشاعر الحسام سوف يسجل فى المنتدى وسترون كل جديد يكتبه

محبكم

الساهر ;tr5s4)

الساهر تحياتى لك انت وضيفك الشاعر الحسام واتمنى لكم التوفيق
اخوكم
الزير;tr5s4)