من أروع القصايد في النصح

هذه من أروع القصائد في النصح للإبن وفي الحكمة للشاعر بركات الشريف رحمه الله ينصح ابنه مالك




يقول فيها:

يا مرقبٍ بالصبـح ظلّيـت اباديـك=ما واحـدٍ قبلـي خبـرتـه تعـلاك
وليت يا ذا الدهر ما اكثـر بلاويـك=الله يزودنـا السـلامة مـن أتـلاك
ياللي على العربـان عمت شكاويـك=وليت يا دهـر الخطـا ول مقـواك
واليـوم هالكـانـون غـادٍ شبابيـك=تلعـب به الأريـاح من كل شبـاك
يا مالك اسمع جابتـي يوم أوصيـك=واعرف ترى يا بوك بامرك وانهـاك
وصيـةٍ مـن والـدٍ طامـعٍ فيـك=تسبق على السـاقه لسـانه لعليـاك
أوصيك بالتقـوى عسى الله يهديـك=لهـا وتـدركـها بتوفيـق مـولاك
احفظ دبشـك اللي عن الناس مغنيـك=اللي إلـى بان الخـلل فيـك يرفـاك
واعرف ترى مكـة ولاها ابن اخيـك=لو تطلبه خمسـة دواويـن معطـاك
اجعـل دروب المرجلـة من معاليـك=وادراج سيّسـها على العـز مرقـاك
احـذر امـر ليعـات أبيـها لتاليـك=ايضا ويرخص عنـدها قدر مـأواك
أدّب ولـدك إن كان تبغيـه يشفيـك=واستسعفـه من بعـد مربـاه بـالآك
أما سمـج واستسمجـك عند شانيـك=ويفر من فعلـه صديقـك وشـرواك
وإلاّ بعـد جهلـه تـرى هو بياذيـك=لـو زعلـت أمـه لا تخليـه يـالاك
واحذر تضيع كل من هو ذخر فيـك=معروفه لا تنسـاه واوفـه العرفـاك
ترى الصنايع بين الاجـواد تشريـك=إلـى طمعـت بركزهـا لا تعـداك
واحذر سرور بغبة البحـر يرميـك=ولا عنده افلس من تجزعك وابكـاك
واوف الرجال حقوقـها قبل تعنيـك=لا تعتمـد بالعفـو فـالحـق يقفـاك
وهرج النميمة و القفا لا يجـي فيـك=واياك وعرض الغافـل اياي وايـاك
تبـدي حديـث للنـاس فيه تشكيـك=وتهيم عند الناس بالكـذب واشـراك
واذا نويـت احـذر تعلـم بطاريـك=كم واحد تبغي به العـرف واغـواك
واحذر شماتة صاحب لك مصافيـك=والى جـرا لك جـاريٍ قال لـولاك
إن اشتـهى حط الطمـع في تواليـك=لو ما لقيتـه يا فتـى الجـود يلقـاك
والضيـف قـوم لـه حيـن يلفيـك=مما تنوشه يا فتـى الجـود يمنـاك
اكرم قبالـه فانـها مـن شواديـك=وابـذل له المجهـود ما دام يعنـاك
واحذر تلاقي الضيف مقرن علابيـك=خلـه محـب لك صـديق إذا جـاك
وأوصيك زلات الصديق إن عثا فيـك=ما زال يغطاها الشعـر فاحتمـل ذاك
راعـه ولـو ما شفـت انه يراعيـك=عسـاك تكسـر نيّتـه عن معـاداك
واحذر عـدوك لو بقا بي يصافيـك=عود الجنـا واطعنـه حينـما جـاك
لا تامنـه فاطلـب مـن الله ينجيـك=ويكفيـك ربـك شــر ذولا وذولاك
وإذا حضـرت طـلايبٍ مع شرابيـك=اسـع لهم بالصلـح والـلاش يفـداك
ابـذل لهـم بالطيـب ربـك ينجيـك=لا تجضـع الميـزان مع ذا ولا ذاك
أمـا الشـهادة أدّهـا إن دعوا فيـك=بيّن عمود الدين لا عميـت اريـاك
رابـع أصيـل في زمانـك يشاكيـك=وإلى شاف خملاتك عن الناس غطاك
ثـم العـن الشيطـان ليـاه يغويـك=تـرى إن تبعتـه للشّـرابيـك وداك
واوصيك لا تشكـي علينـا بلاويـك=أنت السبب اخـذك عيـونك بيمنـاك
واعرف ترى اللي وطا الفهر واطيك=ولا أنت أعز من الجماعة هـذولاك
المسك يا راسي عن الذل واخطيـك=واحـذر تكلـم يا لسانـي حـذاراك
يا ذيب وان جتك الغنـم في مفاليـك=فاكمن إلى حيـث الـرعايا اتّعـداك
مـن أولٍ يا ذيـب تفـرس بياديـك=واليوم جا ذيبٍ عن الفـرس عـداك
يا ذيب عاهدني وأعاهدك ما رميـك=مرميك أنا يا ذيـب لو زان مرمـاك
والنفس خالف رايـها قبـل ترميـك=ترى لها الشيطـان يرمـي بالادراك
ومن بعد ذا لا تصحب النذل يعديـك=وعن صحبة الأنذال حاشاك حاشـاك
ترى العشير النذل يخلـف طواريـك=وأنا أرجي إنـك ما تجي دون آبـاك
والهقـوة انك ما تجـي دون أهاليـك=ولا ذكر عود الـورد يثمـر بتنبـاك
والحر مثلك يستحي يصحـب الديـك=وان صاحبه عاعا معاعات الاديـاك
لا تستمع قـول الطـرف يوم يلفيـك=بالكذب يقضي حاجتـه كل ما جـاك
من نـم لك نـم بك ولا فيه تشكيـك=والاَّه قــد أزرا رفيقــك وأزراك
عندك حكا فينـا وعنـدي حكا فيـك=وأصبحت كارهنـا وحنـا كرهنـاك
ما اخطاك ما اصابك ولو كان راميك=واللي يصيبك لو تتقيـت ما اخطـاك

وقد اختصرت منها الكثير فأرجو العذر منكم

عقيد القوم

بيّض الله وجهك وجمل الله حالك
الله يعطيــــــــــك الف عافيــــه
نـقـل رائــــــــــع لقصيــــــــدة قويـة
تحمل في طياتها من الحـكـم الكثير والكثير
رحم الله قائلها وسلمت يمين ناقلها
فــي إنــتــظــار مثل هذه المشاركـه الرائـعـه
تقبل أطيب التحايـا ولا عدمنـــاكـ

أوصيك بالتقوى عسى الله يهديـك
لهـا وتدركهـا بتوفيـق مــولاك

عقيد القوم

نصائح رائعة وحكيمة....
وإن كانت غير مختصرة .

شــــــكراً لك .

أرررررررررحب والله ان ترررررحب
مرحبا مدد ماهي عدد

صح الله لسان قايلها ورحمة الله عليه وسلمت يمين ناقلها

لا تحرمنا من جديدك
فالك الطيب

بيض الله وجهك على النقل


لا حرمك الله الأجر

المشاركة الأصلية كتبت بواسطة سيــف العرب

عقيد القوم

بيّض الله وجهك وجمل الله حالك
الله يعطيــــــــــك الف عافيــــه
نـقـل رائــــــــــع لقصيــــــــدة قويـة
تحمل في طياتها من الحـكـم الكثير والكثير
رحم الله قائلها وسلمت يمين ناقلها
فــي إنــتــظــار مثل هذه المشاركـه الرائـعـه
تقبل أطيب التحايـا ولا عدمنـــاكـ

سيف العرب
ووجهك أبيض ويمينك تسلم
لاهنت على المرور وأشكرك على التنسيق لأن خبرتي في الكمبويتر مدري الكلبريتر تعبانه
تقبل تحيات أخوك

المشاركة الأصلية كتبت بواسطة الأشقـــر

أوصيك بالتقوى عسى الله يهديـك
لهـا وتدركهـا بتوفيـق مــولاك

عقيد القوم

نصائح رائعة وحكيمة....
وإن كانت غير مختصرة .

شــــــكراً لك .

الأشقر
لاهنت على المرور
وأعتذر مرة أخرى عن الإختصار الشديد في القصيدة
تقبل تحيات أخوك

المشاركة الأصلية كتبت بواسطة الغراني

أرررررررررحب والله ان ترررررحب
مرحبا مدد ماهي عدد

صح الله لسان قايلها ورحمة الله عليه وسلمت يمين ناقلها

لا تحرمنا من جديدك
فالك الطيب

الأخ الغراني
المرحب باقي
ولاهنت على المرو
فديتك
تقبل تحيات بن عمك

المشاركة الأصلية كتبت بواسطة سيّد الكواسر

بيض الله وجهك على النقل


لا حرمك الله الأجر

سيد الكواسر
ووجهك أبيض
لا هنت على المرور
تقبل تحيات أخوك

جزاك الله كل خير على النقل المتميز
وأسأل الله ان يرحم قائلها وامواتنا واموات المسلمين
لاهنت يالغالي لك مني كل التقدير .

المشاركة الأصلية كتبت بواسطة الحجاب

جزاك الله كل خير على النقل المتميز
وأسأل الله ان يرحم قائلها وامواتنا واموات المسلمين
لاهنت يالغالي لك مني كل التقدير .

الأخ الحجاب
لاهنت ومشكور على المرور مرورك شرف لنا
تقبل تحيات أخوك

جزاك الله بالخير ووفقك وسددخطاك