نصيحه

ليتك من أولها سمعت النصيحه = ماكنت في الغبات يومي بك الموج
قدمتها لك رمز ماهي صريحه = من حيث مايبغالها كثرة اهروج
ايام كان اقلوبنا مسترحيه = وكانت خواطرنا ميادين وفجوج
عشنا بها حب وموده صحيحه = ماهوب ود (ن) بالدعايات منسوج
ياصاحبي وضعك تدارك مطيحه = جنب طريق(ن) ماكعك منه منتوج
كان استمرت غفلتك صحت صيحه = صيحة يتم(ن) من هله صاح مفلوج
فوق الجسد حمى وكبدي جريحه = جسمي وقلبي بين نيران وثلوج
كتم الهوى هذي مواري طريحه = يمسي سليم ويصبح الصبح مرجوج
نضحك ودنيانا علينا شحيحه = وننظر لها نظرة مساكين ونهوج
عقب المسرة والحياة المريحه = جات الليالي المقبله كلها عوج
ياماحلا شوف الفجاج الفسيحه = ياليتني فيها مقيم ولا أموج
من حيث مانبت النفل هب ريحه = كنه بطيب المسك والعود ممزوج

تحياتى لكم al_mohajer

ياماحلا شوف الفجـاج الفسيحـه=ياليتنـي فيهـا مقيـم ولا أمـوج
من حيث مانبت النفل هب ريحـه=كنه بطيب المسك والعود ممـزوج

علي احمد العمري
صــــــح الله لساانـــكـ يا غالي
شاعــر متمكن وجــزل إلى أبــعــد الحدود
الله يعطيــك الف عافيــــــــه
تقبل أطيب التحايـا

شكرآ لمروك علينا ياسف العرب
ولك منى اجمل وارق التحيه ياغالي
al_mohajer

من حيث مانبت النفل

هب ريحـه


كنه
بطيب
المسك
والعود
ممـزوج


سلمت وسلم ذوقك والله
لك احترامي وتقديري

اخوك

صح الله لسانك
ولا تحرمنا من جديدك

فالك الطيب