$$ إلـــى الــغــرانــــي...مــع التحيـــة $$

السلام عليكم ورحمة الله وبركاتـــه

وأسعد الله جميـع اوقاتكم بالخيــر جميــــــع

كيفكم.. ان شاء الله طيبين.............


مشرفنا العزيـــز الغرانــي من المعجبين بقصايـد السيارات
وخصوصــاً إذا كانت في الــشــاص.

لأن بينه وبين الـشـاص عـشـق قديـــم
وذكريــــات أتوقــع إنــه من المستحيل ان ينساهـــا
والا لا يا الغرانــــي؟؟؟؟

وصـــدق الشاعـر يوم قــال:
ماهو زمالـت عايـلات وراعيـن
..............ولاهو زمالـت للعفـون وجلوبـه
سلعـه ثمينـه للرجـال الثمينيـن
.............راع الولع يشريه لـو بـاع ثوبـه

الــــــمــــــهـــــــــــــم
حبيت أهديــه هالقصيـده وان شاء الله انها تعجبـه وتعجبكم

وبهشادة الكثير هذه القصيدهـ هي أفضل ما قيل في الشاص

طبعاً القصيدهـ للشاعـر بـــراك الجربا على ما أظــن

يقـــول فيها:

يالعن ابو هالشاص الالفين واثنين =عز الله ان المبدعين ابدعوا به
تساعدوا في صنعه اطلق خبيرين = باشراف عالم بمبداه ابتدوا به
بروفسور مخترع له براهين =فعله حصانه عن خطاه ورسوبه
حصل شهادة علم مع خبرة سنين = وله جايزة نوبل زمان محسوبه
من عايله بالعلم دايم ملمين = تاريخهم بالعلم توارثوا به
ابوه ياباني سياسي قوانين = في دولته يصدر نظام العقوبه
والام نازيه من مواليد برلين =وخوال خاله من مواليد كوبه
صحيح ناقص لان مو على الدين = عالم وعلمه مايكفر ذنوبه
اما اختراعاته على الراس والعين = يشكر على افكاره ودقة اسلوبه
اصخر بصنع الجيب من قبل عامين=بالسر حتى دولته مادروا به
لين انتج وانتاجه ازين من الزين = رغم اختراع الغرب تفاجأوبه
من جودته له بالصحافه عناوين .= بالسوق ربح كل من تاجروا به
رجح موازين وهبط موازين = كل الدول بالبورصه ساهموا به
نزل من الدولار بالسعر ثلثين .= ودعم رصيد الين نوبه ونوبه
لاندكروز اللي تعشقه ملايين =قبل يجي للشرق تباشروا به
من دولته جابه وكيله بتأمين = لدولة آل سعود ملفاه دوبه
اسعد نفوس للي لرؤياه شفقين =كلن دعا له بالجزاء والمثوبه
ابصفه كله من يسار ويمين = لو ان في وصفه علي صعوبه
بين كما ابو الهول مبنى الفراعين = كله حجر مابه حديدن وطوبه
وبين المواتر سكبته تجلي البين = سكبت زعيم ومحتفل في خطوبه
واللون بيج وبويته من بلاتين = ضد الحراره والهواء والرطوبه
وحمار خطه كما سيل البراكين=والا حمار الشمس حزة غروبه
وكبوته انحف من حجم بديه شوين= ورفارفه متناسقه مع جنوبه
ونظام دفع الحركه دفع تربين = فريد من نوعه وهم طوروا به
وماطور صماماته اربع وعشرين =وبخاخ مصروفه يقنن شروبه
وتحضيرتين امام وخلف عكسين =وستة عشر جنطه على قد هوبه
ومساعدات اربع وقدام يايين = ودفرنس وفريول يحرك كعوبه
وكوابح آي بي اس تعمل نظامين =وبكل هوب للكوابح انبوبه
وونشين سحب ويسحبن وزن طنيين =وهزاز يمنع بالصحاري نشوبه
وحمولته بالكيل الفين والفين =على الشدايد فيه عزم وصلوبه
من قوته يصبر على الزين والشين =الطقس ماهمه جليده وشوبه
متعدد الاغراض للاتجاهيين .= مافيه عيب اقول ذا من عيوبه
لا قفى مكوك(ن) كل طقمه مفادين = علم الكواكب والفضاء كلفوا به
لا اقبل كما الجكوار ولا السكستين = في وقت غاره والعدو ولعوا به
ولا اعرض شهاب مرسل للشياطين =ضرب غلاف الجو واحدث شبوبه
منوة(ن) غريب شف باله بعيدين =الدرب لو طول بسرعه يلوبه
مايمنعه لارمل لاحجار ولاطين =غريب ماتمشي المواتر دروبه
وان قلت للسواق يالاخو من وين =يعطيك علم ارض قفر ماوطوا به
ماهو زمالت عايلات وراعين =ولاهو زمالت للعفون وجلوبه
سلعه ثمينه للرجال الثمينين =راع الولع يشريه لو باع ثوبه
لو املكه لو قيمته كلها دين =اهديه للي بالكرم مجدوا به

اررررحب والله ان ترررحب

الله يحييك

ولايخلي منك

قصيدة والله انها من القصائد المحبوبه على قلبي

والله اني دورت على قصيدة تمدح الكبسوله لكن والله مالقيت

لكن ابشر بالسعد

ان شاء الله اجيبها

اشكرك على القصيدة الرائعه

والاهداء الطيب

فالك الطيب

الله يبقيك ويديمك يــاالغراني

أهــم شيء أنها اعجبتك القصيدة

تقبل أصدق الـود

الله الله


الغراني تسلفني الشااص يومين بس اذا مايصير كورلا ولابحق


سيف العرررب الله لناابس


وسلمت علي روعه القصيدهـ


تقبل تحياتي

سيف العرب
مرحبا فيك

الغراني
انا من شفته هـو وهالشالص ملبقه
كنت ابكتب له كم بيت

ويستاهل والله الغراني
أهديته الشوق بالذوق
يعطيك العافيه والله

مودتي لك
اخوك
المسكت

يستأهل الشاص القصيد والمدح

ويستأهل بعد وبعد وبعد . . . . . . . . . . . !!!



وحلاة الشاص طال عمرك من حلاة راعيه

الغراني يحب الشاص ويستأهل الكفو

والله يرزقنا بجيب لكزس 470
لا ولوحته بعد 470
لازم اللوحة 470 وإلا ماأركبه
مرررررررررررره مااااااااااسكه غلط جيب لكزس ( ردددددددد ياللللللللللللللللللللللللللليل .................................. )