خاطره شعريه من همس القلوب للشاعر متعب السعيد

يا زين عـقـبـك لقـيـت اللي يســليني
عـقـبـك لـقـيـت الحبيب اللي تمنـيـته
اللي بحـبـه وهـبـنـي ما يكـفـيـنـــي
الصاحـب اللي هـوانـي يـوم وديـته
من عـادتـه لا فـقـدنـي يتصل فـيني
يشــفـق لحبي وانا بالفعـل حـبـيـتـه
ما هـو بمثـلك بتال الـوقـت جافـيني
اللي بنـيـنـاه طـول العـمـر هـديـتــه
تمـرنـي بالـطـريـق ولا تحـاكـيـنــي
تصـد عـن واحـد ٍ بالـنـار ذبـيـتـــه
جرحت قلبي كما جرح الســـكاكيني
ما خـفـت ربـك عـلى التعذيب حديته
ســمـيـت حالي وانا ربـي معـافـيني
واسهرت عيني وصاف الدمع هليته
عـقـب الموده اشــوفـك ماتـراعيني
نســيت ما كان يالغـدار ســــــويـته
نســيت يا زين وقـت بـيـنك وبيـني
ياما من الـود ذاك الـوقـت وافـيـتـه
ياما ســــــهرنا على شط المحبيني
انقضي الليل وطاري البعد ماطريته
نســيت ذاك الـدلـع يا كامل الزيني
ياما وياما زرار الـثـوب زريـتـــــه
الـبـيـت هـذا الى قـلـتـه يـبـكـيـنـي
يطري علي وقت انا وياك قضيتــه
اللـه حســيـبـك وانا ربـي يهنـيني
مع واحد جابه اللـه ما تحـريـتـــه
خل عن اللي مثل شرواك مغنيني
حبل الموده معـه يازين شــديـتـه
رح في غـرورك مصير الوقت يرضيني
واللـه يعـيـن الـذي عـقـبي توليته

اختيار رائع يا عزيزتي سهيلة ..

يدل على رقي ذوقك ... وجمال إحساسك ..

حيـــــــــــــــــــــاكِ معانا بالمنتدى ...

وبانتظار مشاركاتك دائماً ..

أرق التحاياااا لك من اختك العناااا

بما انك من فصيلة النجوم احببت ان اشكرك على هذة الخواطر المتميزة
سهيل الشرق