لاضاق صدرك عالي الصوت جره

لا ضاق صدرك عالي الصوت جره..
لو كان قلبك ما يطاوعك مسرور..
دنياك لو تسوى من الحزن ذرّه..
ما كان تاليها توابيت و قبور..
و ما كان للكافر بعمره مسره..
وما شفت في ملكه ملايين و قصور..
العمر يمضي بين حلوه و مره..
والموت حق و قابض الروح مأمور..
دام الحياه الفانية مستقره..
ورزقك يجيك و بين الأجواد مستور..
لا تنشغل بالوقت برده و حره..
واحذر تصير بقسمة الناس مقهور..
و حكم القدر لا جاك خيره و شره..
اشكر عظيم الشان و الذنب مغفور..
والمجلس اللي يزعجك لا تمره..
خله تراك بشوفته ما أنت مجبور..
والرجل سقها في صحاصيح بره..
ومد النظر ما بين ريضان و زهور..
لا صار وجه القاع ما فيه جره..
والمشي حافي و الثرى تو ممطور..
ساعات صمتً ما وراها مضره..
تسوى الكلام اللي به ذنوب و شرور..
اطلق خيالك و اترك النفس حره..
وخل الطبيعه في حياتك لها دور..
و بالليل لا بانت نجوم المجّره..
أذكر بديع الخلق بـِ إحساس و شعور..
واسجد لرب الكُون مره و مره..
وإحفظ لسانك و اترك الكذب و الزور..
وفروض ربك خلها مستمره..
وطاعتك لا يدخل بها نقص و قصور..


وسلامتكم...

اختيار موفق الله يعطيكم العافية

اطلق خيالك و اترك النفس حره..
وخل الطبيعه في حياتك لها دور..
و بالليل لا بانت نجوم المجّره..
أذكر بديع الخلق بـِ إحساس و شعور..
واسجد لرب الكُون مره و مره..
وإحفظ لسانك و اترك الكذب و الزور..
وفروض ربك خلها مستمره..
وطاعتك لا يدخل بها نقص و قصور

اختيار رائع

بس اتمنى من الجميع عند إنزال احد القصائد نسبها لقائلها

انرتم متصفحي شكرآ لتواجدكم ..

القصيده للشاعر غزاي نومان الحربي..

صح لسانك ولسان شاعرها
ذوق راقي يالغلا
رويآل كلامك صحيح لو عُرف الشاعر
وعطر الكلمات (خاص بالمنقول) ..

اختيار راائع جدا
الله يسلم يدينك يا قمري

العمر يمضي بين حلوه و مره..
والموت حق و قابض الروح مأمور..
دام الحياه الفانية مستقره..
ورزقك يجيك و بين الأجواد مستور..


ابدااع وصح لسان شاعرها
شعر وممزوج بالحكم تسلم
يمينك على الطرح اطيب التحيا

قصيده رائعه صح لسان شاعرها
تسلم الأياادي
الله يعطيكِ العافيه

تسلم الايادي

مودتي