يا سحاب .. هذا مطر ولا عيونك بكني ..؟

قصيدة

يا سحاب .. هذا مطر ولا عيونك بكني ..؟

سحاب يالي تحجب الشمس عنا
هذا مطر ولا عيونك بكني
ما عاد اميز من ملامح وطنا
غربة كيان بكل ركن احتوني
ليت الليالي تنطوي لا حزنا
ليت الحزن نايٍ لعزفه نغني
ليتك تبل غصون قامت تثنى
من فوق جدران الأماني تثني
ليتك وليتك تغسل الهم منا
تزهر حياةٍ اخلفت كل ظني
لا جتني الدنيا على ما تمنى
ولا يغير من قدرنا التمني
وين الحبايب وين كنا وصرنا
وين الصديق وين هالناس عني
اقرب قريبٍ بالحنايا طعنا
ولي عديل الروح صد وحقرني
وحشة ليال من الفرح تنتشلنا
اودع هجوسٍ واورد واثني
كم واحدٍ في ضيقته لي تعنا
واقفى فؤاده وادعٍ مستكني
اخفي جروحي وادعي نقش حنا
واقول من زود السعادة احني
خضت الخضاب وطالعو ما فعلنا
قمة جنونٍ بالتطور فتني
قالو عسانا بالتطور جهلنا
ما دام من عقب العقل تستجني
لا والحسافة ما مدحنا وقلنا
عقب العلا ترضين وضع التدني
قلت اسكتوا بالله لوموا زمنا
للدهر ميلاتٍ وانا ميلني
وش قيمت الترفيع لا رخص ثمنا
وش فعلكم وظروف بقعا حدني
ظلمٍ سبق ظلمٍ ولآمن زبنا
نطلبكم الفزعات قلتوا تأني
نزف الجروح بداخلي ما تونا
حتى اكتسيت من الألم ما كسني
كفوا الجدال ولا تزيدوا غبنا
يا جاهلين الحال يكفي تجني

اختيار موفق الله يعطيك العافية

وش قيمت الترفيع لا رخص ثمنا
وش فعلكم وظروف بقعا حدني
ظلمٍ سبق ظلمٍ ولآمن زبنا
نطلبكم الفزعات قلتوا تأني
نزف الجروح بداخلي ما تونا
حتى اكتسيت من الألم ما كسني
كفوا الجدال ولا تزيدوا غبنا
يا جاهلين الحال يكفي تجني

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

تقبل ردي و ودي

بن ظافر
الله يعافيك ولاهنت للمرورياغالي

امل الجنوب
الاروع هو تواجدك
لكِ تقديري

لا جتني الدنيا على ما تمنى
ولا يغير من قدرنا التمني


رااائع ابو صاااهود
يعطيك العافيه وكلك ذووق

مودتي

المسكت
هلابك ياغالي
شرفني وجودك لاهنت

*****

نزف الجروح بداخلي ما تونا
حتى اكتسيت من الألم ما كسني

كفوا الجدال ولا تزيدوا غبنا
يا جاهلين الحال يكفي تجني

أختيار رائع بروعتك ابو صاهود

مودتي

ابوزياااد2009
هلاوغلا منور ياغالي
لاهنت على المرور
ولك احترامي