قصه وقصيده حزينه

هذه قصه مع ابيات حزينه

السلام عليكم ورحمة الله وبركاته
=======================
هذه القصيدة قصتها لنا احدى الاخوات الكريمات وسوف اذكر لكم ماقالت بالنص

هذى قصيده سمعتها وحبيت اقولها لكم
القصيده حزينه وتبكى ....وانا لما سمعتهااا سويت مناحه بالبيت
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده
تكفين يا طيور الحرار افزعيلى
...........................ابى عن ديار الاهل منك اخبار
تكفين حومى فوقهم وارجعيلى
........................... وإلا ان حصل لك حومه داخل الدار
تكفين حول بيوتهم دوريلى
................................سبعة فروخ يوم اخليهم صغار
شوفى ضناى وعودى وانكفى لى
................................واشلونهم يا علهم صارو كبار
نسوا دفاي ونومهم فى شليلى
..............................وش علمهم يا علهم بطول الاعمار
قولي لهم ان امكم لها عويلي
..................................خمسه سنين دمعها دوم مدرار
وقولي لهم إني علي طول ليلي
....................................أنوح وليا قرب الصبح أنهار
وقولي عيوني دايما له هميلي
....................................تبكي ليا شافت من الناس زوار
كل يوم اقول غدى حديهم يجيني
..................................راحت سنيني مابهم واحد(ن) زار
وانا اللي من سبت سوات الحليلي
......................................حالي تردى كل ماله وينهار
وفرقا ضناي اللي تردت بحيلي
...................................كني على شوفتهم اصلى على نار
ياويلي كان الله عجل رحيلي
.................................وانا لي سنين ابي لو هي اخبار
ياعونة الله من يبي يرتكيلى
................................ ليا جارت علي بأمر الله كل الأقدار
تنكروا من يدخلون الدخيلى
.............................واللي بوسط ديارهم يامن الجار
قولي لهم ياطيور قلبي عليلي
............................الله يكافي قلوبهم صارت احجار
وانا اللي لبراق الخيال استحيلي
................................واقول ياعل ديرتهم للأمطار
تكفين وسط ديارهم صوتيلي
.............................شوفي عسى لأسمي مع الناس تذكار
وقولي لمن نسيانهم يستحيلي
...............................ياللي نسيتوها ترى الوقت دوار
ياهيه ياللي بالسما لك هديلي
..............................ردي خبر تكفين يكفي امرار
شوفي هاك اللي نومهم في شليلي
...................................من اذان المغرب لوقت الأسحار
شوفي هاك اللي ماتهنى في مقيلي
.................................إلا مقيل معهم كبار وصغار
وقولي لهم ان كان حملي ثقيلي
...............................مره يجون وعقبها شي ماصار
وانا يتولاني كريم(ن) جليلي
................................ياعلني في جنّة وسط الأبرار
أمل ان تكون هذه القصه والقصيده نالت إعجابكم 0
0اخوكم ابورائد الجنوبي0
م ن ق و ل0

تقبل مودتى ابو رائد جميله والاجمل مانقلت لنا

ابى عن ديار الاهل منك اخبار
تكفين حومى فوقهم وارجعيلى
وإلا ان حصل لك حومه داخل الدار
تكفين حول بيوتهم دوريلى
....
...
..
.


لا أَجد أيَ تَعبير يعبر عَن مَدَىَ اعجابي بهَذه الكلماَت سوى شكرك
لك مني أجمل تحية
آل غيهب

لله درك ما اروع قصيدتك التى طرحتها لنا المحزنه والكلمات الروعه والابيات الجميل المحزنه

صح لسانها وسلمت يداك يالغالى على طرح الممز والجميل
تقبلو خالص الموده والمحبه
هبووب الجنووب

وربي رااااائع في ذاائقتك

لاكن الابيات مالها علاقة بالقصة هاذا على حسب مفهوميتي < الله واكبر يالمفهومية*_^
تقبل مروري ياامبدع(:

الاخوان سهران - ال غيهب - هبوب الجنوب - خالد البقمي سرني مروركم وإعجابكم بالقصيده