[ او اركب .. في قطار { الذكريـات } .. ( إن ) كـان مـا فاتـك ]

{ .. مـ,ــدخل

وليه يابنـت الأوادم مارحلتـي مـن قبـل ؟
الا يعني تأكدي حجـز التشـرّد والضيـاع !


.
.
.



حبيبي ريّـح امزونـك .. ذبـل ورد الغـرام .. و مـات
تعال و جمّع .. اوراق .. بقـت فـي ذاتـي .. و ذاتـك


تعبت اقول لك.. إلحق .. على شوق زهـق .. بسكـات
تعبت .. آلـوّح بيـدّي .. قطـار الشـوق مـا فاتـك


قعدت اتطاوع اظروفك .. و مـرّك هالقطـار و فـات
و جيت اتلملم .. اشـلاء الحنيـن .. بكـف ّ شرهاتـك


تعال .. و طل ّ في جوفي .. وشف وش لك .. نمى بالـذات
مشاعر .. كنـت انـا اغرسهـا .. و تسقيهـا بطلاّتـك


وغصن ٍ لو تبي تهـزّه .. تساقـط فـي يديـك .. ابيـات
كسرته .. و انثنى عِرق الشعـور .. و شـوف مأساتـك


تغيب .. و لا تبي اشكي ..؟ و احد يرضى على الغيبات ..!
حرام احيا مع اطلال ٍ .. بكت من صـوت .. خطواتـك


تذكّر كيف من زحمـة .. حياتـي .. اسـرق اللحظـات
و ازيّن .. من دموعي كف ّ .. لجـل آشيـل .. دمعاتـك


تروح بدنيتك ناسي .. و انـا جاالـس مـع الحسـرات
نعـد ّ اذنوبنـا .. و نسكـت .. إذا جينـا لغلطـاتـك


ونمشي .. نتبـع غيابـك .. نعـد ّ بدربـك الخطـوات
و نتراهن .. من الأكثر.. ! غلاك ..! او طول غيباتـك..!


طلبتك .. فتّـش ايدينـك .. و دوّر للولَـه .. نقشـات
رحلـت و مـا نقشـت ألا . مسافاتـك .. مسافاتـك


صحيـح ان الزمـن ياخـذ مثـل مـا يكـرم المـدّات
مثل ما للنظر .. نكسه .. و شف قـدرك .. و طيحاتـك


و انا ادري للرجل .. وقفه ْ مثل مـا للقـدر .. وقفـات
و انا اذكر للبَخت ْ .. بسمه .. قبـل لاشـوف بسماتـك


واذا في شوفتك رحمـه ..! فيمكـن للجفـا .. رحمـات
احج ّ .. لشوفتك مرّه .. و لاادري ويـن .. ميقاتـك ..!


حبيبي .. و العتب ما عاد .. يرضـى بكلمـه و نظـرات
و يُؤْسِفُنـي بِشِِـدّه انتهـى ... مفعـول نظـرااااااتـك


و انا اللي كان لي قلـب ٍ .. يضـخ الحـب بالنبضـات
وروح ٍ طيبهـا .. هفهـف .. علـى قيعـان زلاّتــك


وشوق ٍ كـان يتزايـد .. كثـر مابخافقـي ... دقـات
تجينـي بعـد ذا كلّـه .. و تسـأل " ويـن دقّـاتـك "


وش اللي امكلف ٍ نفسي .. اكابـر .. و اطـرد اللـذات
و انـت الساهـي .. المتعـذر .. بكثـر انشغـالاتـك


حصدت اللي زرعته و انت .. خوفك يحصـد الغفـلات
انا الغلطان لي قلـب ٍ .. عَشـق ْ فـوق احتمالاتـك ..


تعيش بواقعي مـره ... و اعيـش بواقعـك .. مـرااات
و اشكّل.. مـن همومـي .. مسرحيّـه لجـل ضيقاتـك


ابرحل فـي غياهيـب الزمـان .. و اركـب السجّـات
مع اني منْـك متعطّـش ... ماجـي شفقـان قطراتـك


مدام انك.. شحيح الما .. ذبـل ورد الغـرام .. و مـات
حرام اغرس لك احساس ٍ .. زهق من طـول .. غيباتـك


خلاص ارجع... قطار الشوق ...مرّك من زمااان .. و فات
او اركب.. في قطار الذكريات .. ( إن ) كان مـا فاتـك

.
.
.





مخـ,ــرج ..}

إرحلي ماعاد تفـرق والجـروح .. إلا قبـل
بس أنا في وجه ربّـي .. لاتقوليـن الـوداع


.
.

محمد غنام الشمري

إختيار روعه خانتني نظرتي
وبلا شك دليل ذائقتك الجميله
يعطيك الف عافيه ولاعدمنااك والله

احترامي وتقديري

اخووك

وربي ذووووووووووق
تسلمي