<$><( يا بنت ماني مع الأصحاب بواقي )><$>

يا بنت ماني مع الأصحاب بـــــــــواقي = عز الله النفس ترقى فوق وأرفعــــــها
وهرج القفى دائما ماهو من أخـــــــلاقي = والكلمة اللي تغث البال ما أسمعـــها
ودنيا الشقى ينعرف وش راح وش باقي = كم عين من جورها هلت مدامعــــــها
وإن كان ما للغلا في داخلي بــــــــــاقي = أمسك شرايين قلب الحب وأشلعــــها
والشجرة اللي بدون ثمـــــــار وأوراقي = أدور عروقها في الأرض وأقلعــــــــها
صحيح أنا عاشقٍ من ضمن عشــــــــاقي = لكن معشوقتي معروف طابعـــــــــها
إن جيتها والزمن في خاطري ضــــــاقي = تهوّن الكايده والنفس تقنعـــــــــــها
وإن جيتها والخبر في داخل أعمــــاقي = تعرفه من مدة عيوني ومرجعـــــــــها
وإن جيتها والكلام يسابق أشــــــواقي = ألقى إحترامي وتقديري ربى معـــــها
يلجم شياطين رآسي فكرها الـــــراقي = وأروي بساتين غيضي من منابعــــــها
ما أدور فراقها وإن سمعت فــــــراقي = أكيد بتموت وأنا اسباب مصرعــــــها

ابداع لاينتهي وجمال دوماً يرتقي

كلك ذوق يالغالي ولاعدمناك ولا همس مشاعرك

اصدق الود

اخووك

الأخ الغالي / المسكت . كم انا سعيد بمرورك وكم أنا محرج منك ومن غيرك لعدم مروري ومتابعتي لما تكتبون من مواضيع وقصيد ولكن لا أقدر أقول إلاّ العذر والسموحة وعساني ما أعدمكم وعساني فداكم ولكم أرقى وأجمل التحايا 0

البتار:: الله الله من علم صح لسانك ويا مرحباً وما غزر شعرك يكون يوم ...........؟



وإن جيتها والخبر في داخـل أعماقي :::: تعرفه مـن مـدة عيونـي ومرجعهـا
وإن جيتها والكـلام يسابـق أشواقـي::::::: ألقى إحترامي وتقديـري ربـى معهـا
يلجم شياطين رآسـي فكرهـا الراقـي::::: وأروي بساتين غيضي مـن منابعهـا
ما أدور فراقهـا وإن سمعـت فراقـي::::: أكيد بتموت وأنـا اسبـاب مصرعهـا

أبو ظافر الله يسلمك وأشكرك على المرور ولا تنسانا دخيلك من المفطحات والمرقه يوم الخميس 0

الاخ الغالي غرمان بن عزيز

ابيات جميله وانت غني عن التعريف في الطرح الجميل

لك كل التقدير والا حترام

الله يعطيك العافيه يا ظافر وفيك الخير وعساك تسلم وشكراً لمرورك 0