يعين الله ,*,*,*,

للشاعر محمد الدحيمي ,,,اخو تكفى

يعين الله يادنيا تسـوق ايّامهـا الأحــزان=يعين الله .. وانتي مثل قفـل ٍ ضـاع مفتاحه
يعين الله ... وجروحي لها في كلّ وقتٍ شـان=كذوب اللي يقول ان الزمن بيـداوي جراحه
سقى الله يوم انا يمـّه غرير ٍ يزعج الجيران=سقى الله يوم انا طفلٍ يصج البيت بصياحه
سقى الله يوم كان اقصى طموحي .. لعبة الدنان=نهاية يومي المغرب ... واخاف الليل واشباحه
سقى الله يوم انا البس بشت ابوي وثوبه القيطان=واقلد كلّ شيٍ فيه .. حكيه .. جدّه .. مزاحه
واشيل المسبحه مثله ليا هوجس وهو سرحان =بيشعر ...واحسب ان اللي عطاه الشعر مسباحه
سقى الله بيتـنا ذاك البسيط مشقق الجدران=شجـاع ٍ يهزم الغدراء … بقنديله ومصباحه
تكحِّلنا القناعه .. لا طمع .. لا هم .. لا حرمـان=واذا جاء الليل تكفينا ... ثلاث اخوان .. طرّاحه
جميع الذكريات اللي غدت في قفرة النسـيان=يحـاكي حلوها عبره ... بموق العين سبّاحه
خذتني غربـةٍ عنوانها ... غربه بلا عنوان=(ابي عقب التعب راحه ... لقى فيني التعب راحه)!!
رجعت اليوم مثل اللي رجع عقب القنص خسران =غدا طيره وجاء يسحب سلـوقيه وملواحـه
قصيده مابَعَد مرّت ببال مسـاعد وضيـدان=هواجـيس ابدويٍ هايـم ٍ في عشق فـلاحه
وروح ٍ تايبـه كانت تبي لذنوبـها غفـران=خطـاي انّي كتمت اسرارها بعيـون بواحه
تقولين المطر ماهـوب … يمّـه دايمٍ هتان=اجل معذور قلبٍ في همومه ضاعت افراحه
انا يمـّه غلطت ولاني اول واحـدٍ غلطان=ابونا آدم من الجنه خرج باسباب ... تفاحه
خذلك الوقت فيني .. ماخذلتك ياأعـز انسان=وش الدبره ؟ وحظي صار.. قفل ٍ ضاع مفتاحه

ريانة العود
قصيدة جميلة بل في غاية الروعة
اشكرك على حُسن الإختيار
تقبلي تحيتي

خذتني غربـةٍ عنوانهـا ... غربـه بـلا عنـوان
_____ (ابي عقب التعب راحه ... لقى فيني التعب راحه)!!

ريانه يعطيك العافيه
والدحيمي راائع له كل احترامي
لاهنتي واشكر لك مانقلتي

اخووك

سلمت امانلك على هذا الطرح المتميز
والموضوع الرائع

الله مير يسلمكم ياذوليه