مشاعر شاعر

يتوه بخاطري المعنى وأدله داخل الخاطر = وأسوق الحرف بعد الحرف عسى شعري يعديها
وأنا من نسل شيخان وأنا في عالمي شاعر= شبيه السيل لو يجري هديره من عواليها
عديل القول وراسي فوق وأنا في مهنتي ماهر= أدل التايه الحيران وبنت العز أداريها
طلبني شي ماهو صعب وهو يدري وأنا خابر = وذا ردي كما التحفه تزينها محاليها
عشان أبقى على ظنه ولا أتكبر ولا أفاخر = بقول اللي طرت نفسي و بطرح ما لجا فيها
طلبت البيت ولك أعطيت وجاني بالخبر شاعر = وذا شعري واذا تدري تراني لك أبهديها
وأنا أعزك وأنا أغليك كثر ما أمطر الماطر = ياراعي الطيب والأوصاف كثيره مقدر أوفيها
سنيدي أنت من ربعي ولد عمي وعلي تامر = إذا ضامك عسير الوقت بدنياك أو طواريها
أجيك بفزعة الأخوان على دربي كما الطاير = وأشيل الصعب واتلقف سهوم خاب راميها
يا عمي ابغى أنشدك عن مدح لكم صاير = لأن أبياتي بتعجز توصف طيب قاريها
وأنا برجوك تسمحلي أقول أشعار في ساحر = خطف علي على حبه بليلة هام ساريها
تلقاني بصورة طير وطيرني معه حاير = عيونه تتعب الهيمان وما يقدر يخاويها
بياض الثلج في خده ولبسة ثوبه الفاخر = سواد عيونه الحلوة تسكت من يماريها
عريف الحب واستاذه وهو في لعبته ماهر = يمنيني ويغريني ويطرب من مغانيها
عزيز النفس ما ينذل ولا يقهر من القاهر = بقى راسه على الهامة بدولة عز يحويها
كفاكم يالعرب تنويه وصل ترتيبنا الآخر = تحبون السلام وغيركم يعرف يساويها
نشوف اليوم من ينجح ونعرف منهو الخاسر = واذا صهيون ما ترحم بنرحم حن وننهيها
بنتمدح ونتسلى ونرقص من غنا عاهر = الين يصير ما تبغون خذوا الديرة واهاليها
واخيرا كيف تقصيدي عساه يكون لك عامر = يوازن كل هالعالم ويرسى في موانيها

الله عليك ياجبل حرفه

صح لسانك مليوووووون يابعدي

قصيدة روعة بروعة كاتبها

مودتي

يتوه بخاطري المعنى وأدلـه داخـل الخاطـر
وأسوق الحرف بعد الحرف عسى شعري يعديها
وأنا من نسل شيخان وأنا في عالمـي شاعـر
شبيه السيل لو يجري هديـره مـن عواليهـا

والله والنعم

وصح اللسانك قصيده في منتهى الروعه

تقبل تحياتي بحر

حسن ال مسفر

صح بدنك يالغالي مليون في مليون في مليون ****** عاد احسبها انت وشف كم تصير من مليون
واذ طلعت ناتجها تراها بعد في حقك ما يكفون ****** وتستاهل بعد دعوة ببياض وجيه وما يكفون

تسلم لي يالغالي وهذا من ذوقك

صح بدنك يابحر به الامواج تلعب بي ***** يقولون البحر غدار وكل بالبحر جاهل

تسلم يالغالي وما عليك زود

شاعرنا المتالق -- جبل حرفه
قصيده فـــي قمــــة الروعه
صح لســـــــانك ولاهنـــــت
ننتظر الجديد


تقبل تحيتي
-----
الســـــــااااري