الى ابي الغالي مع التحيه

هذه القصيده على لسان احد الاطفال مهداة الى ابوه بعد عودته من السفر

ياالله ياكاتب فـي اللـوح الأقـدار = يامالـك الدنيـا عظيـم العـظـام
يارب ياعالـم خفيـات الأسـرار = اسمك تعالى فوق كـل الأسامـي
يامنزل رحمتك من بعد الأضـرار = يارب يا محيـي هشيـم العظـام
الحمد لك والشكر ياالعـادل البـار = ياذا الجـلال ويـا كريـم الكـرام
كانت تعذبني هواجيـس وافكـار = أفكـار تحرمنـي لذيـذ المـنـام
واسير وانا تايـه الفكـر محتـار = ترحل بي الافكار شـرق وشامـي
واحس في قلبي مثل صالي النـار = واليوم صارت مثل برد وسلامـي
والليل مهما طال من بعـد انهـار = ومع العسر يسر وبلوغ المرامـي
ابويـه الـي لـه محبـة ومقـدار = له حبي الفايـق وكـل احترامـي
رجع لنا من بعد غيبـات واسفـار = شافاه ربي من البلاء والمضامـي
والتم شمل بعد فرقـا ومـا سـار = وكن القمر والشمس عندي وامامي
في صورة تبقى في النفس تذكـار = نتاج حـب وتضحيـات ووئامـي
يالغالي الـي يفتدونـك بالاعمـار = اسمك وحبك فوق صدري وسامي
يامرحبا يا بهجـة الحـي والـدار = نورالديـار اللـي يجلـي الظـلام
يا مرحبا عد الهبايـب والامطـار = الي تحدر مـن غيـوض الغمـام
في جيتك سار البلـد كلـه انـوار = وفاحت من الفرحة زهور الخزامي
وتلاعب النسمة مع أوراق الاشجار= والطير يتراقص بوادي الحمامـي
يابوعلي لاباس لابـاس ومجـار = يا طيـب المبـدأ ونسـل الكـرام
دعوى بني ثابت صعيبين الاشوار = لاقلـت الحيلـة نهـار الـزحـام
أهل الكرم والجود والهيل والنـار = مشبوبة للضيـف شهـر وعامـي
رجالهم فـارس وجيـد ومغـوار = آل محمـد مثـل جيـش نظامـي
قوم من ابني شهر وافين الأشبـار = وبيت آل عابد من البيوت العصامي
والعانية ما اخترته إلا من أخيـار = دعوى الوليدي رؤوس قوم شهامي
الخال عززته وجاك الولـد بـار = ضاري على الناموس قـد المهـام
الله يحميهم من أعراض الأخطـار = ومن فتنـة الدنيـا وشـر اللئـام
يا أبو علي نغليكم إصغار وإكبـار = والشكـر للرحمـن رب الأنــام
على سلامتكم في السـر وجهـار =نقولهـا فـي المبتـداء والختامـي
ولا لنا في مدح الأجـواد معـذار = والشعر وقعه مثـل وقـع الحسـام
هذي حقيقة ماعلى قولـي أغبـار= يشهد لك الواقـع ويثبـت كلامـي
والخاتمة صلوا على خير مختـار = محمـد الطاهـر عليـه الـسـلام

مع تحيات ابو طارق

تسلم ابو طارق
والله يعطيك العافيه قصيده معبره ومميزه
تميزكم فلا تحرمنا من ابداعاتك

ابو طارق مرحبا مليون × مليون في محلك و بين اخوانك و لا ابطى من جى يا غالي ...

قصيده رائعه بكل ما تحمله هذه الكلمه من معاني ... تشكر على هذا التواصل ........

عزيزي ابو طارق هناك قسم خاص بالشعر النبطي و لذلك سوف يتم نقل القصيده الى ذلك القسم ..

و لا تحرمنا من تواجدك معنا ياغالي .........

الـ

ـلــه يــبـــقــيــكــم

براسك يابيت القصيد الله يحفظك ولاهنت على المرور انت والغالي بارود
انقلها واسلم

ابو طـــارق

الله يعطيك الف عافيـــه على ما قدمت يا غــالــي
فـــي إنــتــظـــار مثل هالمشاركـه الرائــعـــه
تقبل أطيب التحايــــــــــــــــــا

ابو طارق

مشكور على هذه المشاركه والقصيده الرائعه ... ونتطلع لكل جديد ..

وتقبل تحياتي

الاخوان سيف العرب والاخ جريح الزمان
حياكم الله وبياكم واتشرف بمروركم والله لايهينكم
واتمنى ان اقدم كل مميز والله الموفق