~¤¦¦§¦¦¤~ $أنــــواع الـــحـــب$~¤¦¦§¦¦¤~

السلام عليكم ورحمـة الله وبركاتـــه



؛¤ّ,¸¸,ّ¤؛°`°؛¤ أنـــــواع الـــحـــــب ¤؛°`°؛¤ّ,¸¸,ّ¤؛

حبٍ يشيّب صاحبه ما بَعَـدْ شـاب=وحبٍ يشيب وصاحبه في شبابـه
وحبٍ يغيب وصاحبه ما بَعَدْ غـاب=وحبٍ يدوم وصاحبه فـي غيابـه
وحب يذوّب خافـقٍ مـا بعـد ذاب=وحبٍ يداوي صاحبه مـن عـذاب
وحبٍ يتوّب خافقٍ مـا بَعَـدْ تـاب=وحبٍ يزيدك رغبـةٍ فـي الكتابـه
وحبٍ حياته كلّهـا لـوم وِعْتـاب=وحبٍ حقيقي مـا يضـرّك عتابـه
وحبٍ بلا معنى وحبٍ بلا اسبـاب=يبدا غريب وينتهـي فـي غرابـه
وحبٍ ضعيفٍ مثل حبرٍ على كْتـاب=تمحيه دمعـه فـي ثوانـي كآبـه
وحبٍ قويٍ مثل قصرٍ لـه ابـواب=لو هبّ عاتيْ الريح ما اهتز بابـه
وحبٍ بداية رحلته نظـرة اعجـاب=واخر مطافه مثـل يـومٍ بـدا بـه
وحبٍ يعيش بداخل قْلوب الاحبـاب=وحبٍ يشيع وكـل حَـيٍ درى بـه
وحبٍ مقامه في ضلوع الصَدِر طاب=وحبٍ يعدّي مثـل مـرّ السحابـه
وحبٍ على قبره نعق بوم وغْـراب=وحبٍ تغنّى بـه لحـون الربابـه
وحبٍ بمقدارٍ وحـبٍ بـلا حْسـاب=وحـبٍ بمعـروفٍ وحـبٍ نهابـه
وحبٍ يعيش أهله وسط داره اغراب=ويموت قهر ويندفـن فـي ترابـه
وحبٍ غدا سرّه سوالـف للاجنـاب=وحبٍ يموت وصاحبه ما حكى بـه
وحبٍ يشيب وصاحبه ما بَعَدْ شاب=وحبٍ يشيب صاحبه فـي شبابـه

وحبٍ يغيب وصاحبه ما بَعَدْ غـاب=وحبٍ يدوم وصاحبـه فـي غيابـه

قصيدة جداً جميلة يا أخي / سيف ..
شكراً لاختيارها لناااا ومشاركتنا هذهِ الفاتنة ..
صح لسان صاحبها .. وصح قلبك إنت !

وأرق التحاياااا لك من أختك / العناااا

سيف العرب

قصيدة مميّزة بالفعل .. كأن مافيها ينطبق على

حالات الحب المتنوعة ..

لك الشكر

وحبٍ حياتـه كلّهـا لـوم وِعْتـاب
وحبٍ حقيقي مـا يضـرّك عتابـه


وحبٍ بلا معنى وحبٍ بـلا اسبـاب
يبدا غريـب وينتهـي فـي غرابـه

سيف تميزت باختيارك الرائع

وأنا اعجبتني القصيدة وشدني فيها هالبيتين

ياصح إلسان قائلها
وجعلك سالم وغانم ياسيف العرب

يعجز قلم شاعرنا

عن الاتيان بالوصف الكامل

لحقيقة مشاعره

إلا أنه بين حيرته ويقينه

صنع أجمل الصور

و نثر أنواع الحب



* * * * *



سلمت يمناك

سيف العرب

سلمت يمينك وزآدك ربي عاافية في الروح

صح لسان شاعرها ودام الي نقلهاا

دمت في خير


تحياتي

العناااا

تشرفت بمرورك العذب
يعطيــك الف عافيــــه
ولكي اصدق تحيـــــة

ابو ريان

اسعدني مرورك الكريم
والشكر لك انت يا غالي
تقبل اصدق تحيــة

العذب

سلمت ولاهنت
وأهـم شيء انها اعجبتك القصيـدة يا غالي
تقبل اصدق تحيــة

دمعة بحر

يسلمك ربي
اسعدني مرورك الكريم
لكي اصدق تحيـــة