مرجوووووج في رحله الى المريخ (( الجزء الاول ))

سلام علاكم
من ذو زمان وانا ما خربط عليكم من خرابيطي الخنفشاريه
بدون مقدمات ولا احم ولا دستور هذي سلمكم الله رحله خطافيه الى شله لنا في المريخ طيبين وحبوبين ما عليهم خلاف

في يوم وليل as) يعني بعد صلاه العشاء وانا ماخذ بساطي وثلاجه الشاهي والدربيل حقي وطالع للسطح احتري الحدث الكبير

حدث ماصار من ستين سنه من زمان وانا يتقطع قليبي على هالمريخ ودي اشوف وشو هو من لحيه وش من آدمي

الي صارت سيرته على كل لسان
صار الواحد لو بتساله انت من وين رد عليك بضحكه من المريخ وصار الواحد لو بيسال عن شي قديم قالوا له : ويييين عايش انت بالمريخ . هذا كله كوم والكوم الثاني اللي خلاني احرص على هالكوكب هو سببين:
اولا اني اشجع المريخ السوداني s.1syo) ياملحهم والله لا شاتوا الركني واخذ نص الملعب مع الكوره لين غدت الكندره بيضاء

والثاني اللي هو زبدة الموضوع اني اسمع ان فيه مخلوقات فضائيه هالمخلوقات اللي تقول : يب يب آها آها يب يب آها آها
روسهم مدوره وفوقها زي قرون الاستشعار معلقه في آخرها عيون وعلى روسهم قزازه طبعا هالوصف كله على ذمة افتح يا سمسم هم اللي طبعوا هالذكريات على خششنا اللي تتقاطر كل عصر تحتري برنامجهم <== آبوك يالتثقيف1s2d

زي اذا كان ابوي والا امي يبون يصرفوني لانهم يبون يطلعون قالوا لي انثبر بالصاله بيجي افتح يا سمسم الحين وانا عاد اللي تنشق ابتسامتي من الاذن الى الاذن واروح زي الابله وارتزع بالصاله ساعتين لين يجي وقد اهلي راحوا وتسوقوا وفلوها وانا مغير مبقق عيوني على التلفزيون عاد ماكان ملون كل ابيض واسود واحيانا يشوش واروح اصلح الانتل اشبكه مع اي شي حديدي ويطلع التماس واحيانا يطفي التلفزيون خلوها على ربكم .


وش نسوي هذا كعكي يفرم في الكيك وهو ماله سنون

وهذا نعمان دب يالله يمشي ولا عمرنا شفناه ياكل مع انه مرابط في البقاله حقتهم

( هذا كله في افتح ياسمسم )


<<<< يلعن ام الطلعه من الموضوع

نرجع لمحور حديثنا بعد ماتواسيت بالسطح واقتربت ساعة الصفر لاقتراب هالكوكب طقيت الدربيل وقعدت اقز واقزززززززز واتمقل سبحان الله شي عجيب محلات وسوق خضره ( تصدقون طلع عندهم سوق الثلاثاء زينا) 1s2d
وعماير ناطحات سحاب حتى اني لمحت المملكه والفيصليه والراشد بعد عندهم وعالم تتحاشر تحلفون انهم متوحمين بطوكيو

بعدها قربت الدقه حقت الدربيل ولقيت هاك المخلوق يدربل مثله مثلي والا الاخ موجهه جهتي وانا موجهه جهته قلت يولد لايكون قاعدن يقز الحاره وارفع يدي والا يوم رفع يده وانزلها وينزلها ؟ يالله سكنهم في مساكنهم الرجال حاط عينه علي قلت يا مرجوج الدعوه خاربه خاربه خل اعميها وش وراي واشرّ له بيدي واقوله تعال كانك ولد لابوك انت وقرونك هاللي مركبها من انتل بيجو كابرس << كيف تجي ؟as)


وماامداني اشيل الدربيل عنه الا وهاك اللي يولّع فوقه زي السفتي ونوره متجه جهتي ( زينون ) اثر هالمخلوق ماصدق خبر دق سلف وجا بالطبق حقه لاحوووووووول

شكله من ربع المشاكل لا يكون جايب معه شله ناوين يفرشوني في الارض ويواسيني مع سطحنا وانزل تحت بسرعه القط مفك الغاز واجيب النباطه واحتريه يقرب واصقعه في راسه ابطر هالقزازه اللي تحمي دمجته وكل ماطقيتها ماجاه شي ورجعت الحصاة صارت بلاستيك مقوى ويوم شافني انبطه قام سكر على روحه بالطبق ياولد حركات اطبقاهم الطائره فيها كشف ( فتح تندا )

يوم درا اني احاربه قام واطلق ليزر خفيف وانفجر جنبي لدرجة انه طيح ملابسي المنتشره <== الزم ماعليه سروال السنه

شفت الدعوى كذا اخذت الفنيلة اللي طايحه وربطتها بعصا المكنسه وقعدت الوح بها معلن استسلامي لين قام يحوم فوق بيتنا ووقّع ( مع انه ماعنده قلم )

بالطبق حقه فوق الخزان ونزل مع السلم وانا اشوي ويغمى علي ولا تقولون بحلم وش يبغي ووشو له جاي ووشلون بتكلم معه والافكار تحوم في راسي لين يوصلني وانا اتنافض ويوم قرب عندي ويناظر بالدربيل حقي شوي ثم يناظرني ويقول : لعنبوا دراكم ياحقين الارض فيكم لقافه مهيب في كوكب ثاني

وشوله قاعد تقز بيتنا ومحارمنا هاه ؟ وش تبي وش عندك تناظر الشغاله وهي تكب الزباله ؟



:
:
:
وللحديث بقيه والله طويله مالي حيل تكسرت اصابعي
اكمل لكم في الجزء الثاني

حيالله مرجوج الدب انته وكلامك الخنفشاري
الصراحة عندك حس كتابي فظييييييييييييييع وحس اختلاق للأحداث الوهمية ولا أفظع خخخخخخخ بس عندي سؤال ليش ماقلت لي عشان اشوف معاك شو هالكوكب هههههه...
وثاني شي انته ليش ماتكمل الموضوع في يوم واحد
لازم تسوي اثارة وجذب واحداث مهمة .........
ترفع الضغط وانا عايشة الدور واقرا وطبعا ساعة لييييييين مافهم عندك مصطلحات صعبة بس فهمت المحور الحديثي خخخخخخخخ..
بس احلى شي حكايتك مع افتح ياسمسم والتلفزيون خخخخخخخخخ
والانتيل وكل ها ...
بس عندي سؤال صريح يطرح نفسة انته ليش كم عمرك عشان تقول التلفزيون ع ايامك كان ابيض واسود لتكون شيبه الاخ
انا من اول من وجدت ع الارض لين احين اشوف التلفزيون ملون الا في حالة افلام الف وتسمعية وخشبة ..
لتكون من نفس المواليد ههههههههه
وحده عندها حس فكاهي ههههههههه فدييتني امووره


يلا بسرعة كمل الكلام الخنفشاري مالك ابى اعرف شو قصة المخلوق الفضائي .........

بنوتي

مرجوج
تحيااااااااتي لك وحسك الكتابي الجميل
وفكاهيتك الرائعة
وباختصار
انت مبدع
تحيااااااااااااااااااتي

هع هع هع هع هع



كمل

ههههههههههههههههههههههههههههههههه
اقول ولد الشرهة ماهي عليك ولا تدق علي ولا شئ وين الناس وين الربع كان اجيب لك مشعاب عينته في سوق الغنم شكله طاح على شايب هناك


ههههههههههههههههههههههههههه
افا عليك يا ابو رجه ولا قدرت في ذا المخلوق كان بشمته بالفنيلة حناث ولا عاد يذوق طعم الحياه


ولد احوث علينا بالجزء الثاني.

تحياتي ابو رجه.