ومانيل المطالب بالتمني .. ولكن شوفتكـ كل الأماني

اذا لك شف في شوفـي .. ترانـي
على شوفتك .. صحيـت الأمانـي

زرعت الشـوق كلـه بأنتظـارك
و أخذت الأنتظار .. و جيت عاني

نسيت الناس لكن .. مـا نسيتـك
عجزت أنساك حتـى لـو ثوانـي

مليت الكون .. و أشغلت الجوارح
نظر عيني .. سماع أذني .. لساني

عطيتك شيء ما هو عنـد غيـرك
و لا قصـرت .. لكنـك أنـانـي

انـا أحبـك .. و اذا ودك تـأكـد
شف الله كيف بيدينـك هدانـي ؟


غيابك صعب و الأصعب وجـودك
و انا فالحالتيـن أتعـب و أعانـي

حبيبـي لا تواخذنـي .. و لكـن
أبيك تحـط نفسـك فـي مكانـي

اذا جيتـك و انـا مشتـاق تقفـي
تجاهلنـي و كنّـك مـا تـرانـي

و اذا صديت عنك و قلت أبرحـل
وقف قلبك على البـاب و دعانـي

و لو سويت نفسـي مـا اشوفـك
يميل القلـب صوبـك و يحدانـي

أنا ياابن الحلال أصعـب حكايـه
كتبني الوقت .. لكن مـا قرانـي

مضى عمري و تقـدر تعتبرنـي
غريب .. و في زمن ماهو زماني

زماني راح مع نصفي .. و نصفي
نسى نفسه مع الوقـت و نسانـي

أسافر حزن .. و الصحبـه ثلاثـه
أنا .. و الصبر .. و سهيل اليماني

و اذا مريـت فـبـلاد الطفـولـه
فتحت الصدر للحـزن و طوانـي

هنا .. دمعه جرت من عين جاهل
هنا .. لاقيـت همـي و التقانـي

هنا .. باعتنـي الديـره و أهلهـا
هنا .. ضحيت لفـلان و جفانـي

هنا .. حاولت أصيح و ما سمعني
سوى بعض الشـوارع و المبانـي

انـا يـا سيـدي .. دقـه قديمـه
بغيت أخذ من الوقت .. و خذانـي

على الأنقاض واقـف دون حيلـه
أشوفـك وجهتـي بيـن الموانـي

تعاال .. و طفّ بيدينـك حنينـي
تملكني .. و أنا أشعل لك حنانـي

انا شاعـر عيونـك يـا حبيبـي
مع التحريف في بعـض المعانـي

( و مـا نيـل المطالـب بالتمنـي
و لكـن شوفتـك كـل الأمانـي )

محبة صـادق النيـه .. قصايـد
و محبة ساقـط النيـه .. أغانـي

قسـم بالله لـو مـوتـي بـيـدك
و أموت الفين مره .. مـا كفانـي

و أذا باقي من الطلقـات .. طلقـه
دخيلك .. حطهـا بيـن المحانـي...


...مما راق لي...

ما راق لك راق لي



قصيدة قويه وصور جماليه وخياليه

رائعه بروعة الطرح

عجزت وش اختار من بين الابيات

فكل بيت يمثل مطلع قصيدة

تسلم الايادي .. وتستاهل التثبيت

لهذا الاسبوع بقوتها...
(قصيدة الاسبوع )

موتي

تبارك الرحمن الله يعطيك العافية على هــذا الا ختيار
محبة صـادق النيـه .. قصايـد
و محبة ساقـط النيـه .. أغانـي

قسـم بالله لـو مـوتـي بـيـدك
و أموت الفين مره .. مـا كفانـي

و أذا باقي من الطلقـات .. طلقـه
دخيلك .. حطهـا بيـن المحانـي...

ابيات قمة بالروووعة

راقي ما راق لك
طرح مميز واسلوب ممتع
بحجم السماء شكرا على هذا الابداع

تحياتي

هلا فيكم جميعا...الف شكر لتواجدكم الكريم...

إنتقاء رااائع وجميل
شكراً لك ولذائقتك العذبه

إحترامي

الف شكر لتواجدك الكريم...

يعطيك العافيه ..يسلمو ااا

هلا وغلا فيكِ...نورتي ياقمر..