قصيدة لسجينة خميس مشيط من خلف القضبان

تعيش بين الحياة والموت .. تنتظر الموت في كل يوم يمر .. ولكن لازال لديها بارقة أمل تلوح في سماء أفكارها
وهذه القصيدة كتبتها من داخل السجن وتم نشرها عبر موقعها ومواقع أخرى كثيرة .. وقد القى احد اعضاء موقعها قصيدة مؤثرة جدا وقمت بكتابتها اختصارا لكم 0

نسأل الله العلي القدير أن يفك أسرها وأسر كل مسلم
هذه قصيدة الفتاة

الا يالله ياعالم بما اجهرت وما اخفيت = الا يالله تفرجها عليّه يامسويها
أناظر للزمن نظرة يتيم مالقى له بيت= انا ظر كل هالعالم عيوني ماتكفيها
ألملم فرحتي بيدي وأنا من فرحتي شديت= ونفسي يوم مات الفرْح حزني جاء يعزيها
هموم ضيقت صدري كثيرة يوم أنا عديت=لقيت الحزن بأولها وأوسطها وتاليها
وحزني مايفارقني ، معي لانمت أو سجّيت=كثير مايبي ير السهر والنفس يشقيها
دعيت الله يصبرني وانا مما جرى مليت=ونفسي يا إله الكون نفسي من يراعيها
وش اللي صار في الدنيا ، وش اللي بدنيتي سويت=جاوب يا حزن ارجوك ، جاوب قلي وش فيها
الا ياليت الا ياليت الاياليت الا ياليت = ولاة الأمر توصلهم قصيدة يوم أرويها
تمنيت السعادة تعود ، وانا والله ماظنيت=سنيني الماضية ترجع .. بعيدة عن موانيها
تفتت خافقي والله مثل ما للصخر تفتيت= ونيران الصدر شبّت ولكن من يطفيها
الهي صمت من أجلك ، الهي لك بعد صليت = الهي يا إله الكون عيوني لاتبكيها
أنا من ساق لك ركب الذنوب وها أنا حسيت=دخيلك يا اله الكون عيوني لا تبكيها
(ست سنين) بي مرت أنا والهم والتنهيت= 12 عيد انا وحدي سجينة دون اهاليها
وأمي في نهار العيد تناديني بوسط البيت= وترجه آآآه وتذكرني.. دموع العين تهميها
نعمت اول سنيني في جناب الفهد عالي الصيت=مليك العرب والاسلام وبلادي اللّي افديها
وعشت اللين والشدة ولو قاسيت ماقاسيت=تهون تهون مادامت حياتي عايشة فيها
وانا لازلت اطمع في سنين وعمر ، ولكني انا أزريت= عسى لي في درى عبدالله أيام أقضّيها
ولي العهد سلطان الكرم والخير اذا ناديت=يلبي للضعاف اللي سهوم الوقت ترميها
الا يا اهل العفو تكفون ، لاحيّه ولاني ميت=الا يا اهل الكرم والجود فكوا قيد اياديها
ابي درع الحياة ولو نفيتوني ورى تكريت=يكفيني سنين سود في سجني مخاويها
الا يالله ياعالم بما اجهرت وما اخفيت = الا يالله تفرجها عليّه يامسويها

==========================

وهذه قصيدة قالها أحد الأشخاص عن معاناة الفتاة

اسمـع صـراخ الغضيـه خلـف قضبـان الحـديـد=احفـرت قبـري بدمعـه بالكفـن تبكـي تصيـح
ابكـت بحـور الموانـي عاجـزه وصـف الشديـد=حكمها عـزر كيانـي حـروف تكتبتهـا تبيـح
ارتعـش زولـي لوهلـه يـوم كلمتهـا صـديـد=شهقـت الارواح فينـي كيـف اصـورهـا صحـيـح
رقـت الاحـجـر تبـكـي تشـكـي آلآم المـزيـد=صاحت طيـور السمـاوه ساجـده لربـي بريـح
استجن الطـرق عـازف دمـع اجهـار العديـد=هـزت عـروش الخلايـق بكلمـة الخـوف البجيـح
قطعونـي كلمـة اخـرى ركعتنـي بــلا وديــد=احرقوني جملـة مـره قلبهـا الظامـي جريـح
اقتلونـي حـروف حرقـا رتبتهـا فـي وقـيـد=واقــده نـيـران حـرقـا ودي بحـضـن مـريـح
خاشيـه السيـاف يهـوي سيفـه المبـري مريـد=ودي بقبلـه لامــي شفتـهـا تبـكـي تصـيـح
مـا تخافـوا الله فينـي ربـي عقـابـه طـريـد=يمهـل العبـد ويمهـل يشـفـع لظـلـم صـريـح
يا شيوخ القـوم تكفـو اهلـي وامـي اريـد=باكيـه بدمـوع عينـي صارخـه آلالمـي واصيـح
يا جبال طويق رقـت لرجوتـي يـوم الوعيـد=حتـى ارجـاء المعامـر تطلـب الرحمـه لشفيـح
ميتـه اصـلا خـلاص قـبـل تنفـيـذ المكـيـد*=ميـتـه والله يشـهـد ميـتـه صــدق وصـيــح
تحسبـون الـروح فينـي فارقـت نفسـي بكـيـد=القبـر قــدام عيـنـي ضمـنـي بلـيـا شحـيـح
ارفقـوا بـي بالمحـاكـم الله العـالـم معـيـد=ان ذبحتونـي بطالـب يـوم القيامـه دحـيـح
شيخنـا محمـد امـانـه رجـوتـي والله تشـيـد=انتم امجـاد الكرامـه صفحكـم طلبـة صريـح
فيكم النخوة العظيمـة تجـري بـدم الوريـد=عرفكـم عالـي مقامـه عطفكـم فيـنـي يفـيـح
توبتي التوبه النصوحه تايبـه لربـي المجيـد=سامحونـي سامحـونـي .. عفـوكـم والله مبـيـح
يا مشايخ ديـن امـه قولـوا الحكمـة جديـد=قالهـا ربـي بمصحـف عبـدي التـائـب ابـيـح
يـا ولاة الامـر فكـو قـيـد يديـنـي حـديـد=انتـم رجـال المعـادي ناخيـه عفـوا جمـيـح
يا طيور الارض حومي فـوق هالبيـت العتيـد=اصرخيلـي بـس ذكــرى ذكريـهـم بالصحـيـح
ما انام الليـل طولـه صابنـي جنـون عنيـد=بـس افكـر فـي قـراري طالبـه حكـم فـريـح
يا وجع هالمـوت عـدى عرقـي لـدرب الوريـد=صــارع قلـبـي بـسـم سمـهـا فـرقـا تـريـح
وباقـي القصـه تبكـي طفلـة المهـد المجـيـد=أجعلـت هالمـزن تبكـي دمعهـا حـزن وقـيـح
يا بو متعب يا وجودي طالبه الصفح السديد=جعلك الذخـر المعلـى تكفـى اظمونـي بقيـح
يا ولـي العهـد اشفـع بنتكـم تطلـب تعيـد=اشفـع لبنتـك امانـه بنتكـم انـا صحـيـح
نايـف عـزوة ظنينـي تكفـى اعفيـنـي وزيــد=هالضنى احـرق عروقـي كيـف تبغانـي أستريـح
سلمـان عـزوى تعـزوى عزوتـي كلـك رصـيـد=شوفلـي حــل يـبـدد كــل اضـغـان تبـيـح
هـذي نهايـة قصيـده زلزلـة حـتـى الوغـيـد=ارحمـونـي يــا معـالـي ميـتـه والله بطـيـح

لسماع القصيدة الثانية

الله يفك اسرها يارب


اشكرك على هذا الاختيار بوسلطان

لك ارق التحاياااااا


سسسسسسسسسيف الساهر

لا حول ولا قوة الا بالله

عسى الله ان يفك أسرها


احسنت يابو سلطان على المشاركه

أغلى وطــن

الله يفك اسرها والله لا يبلانا بما بلاها مسكينه

الله يعينها على مصيبتها
واشكرك ابو سلطان على هذا الموضوع
وعلى الرغم من هذه القضية اخذت نصيبها الاعلامي الكبير الا ان العفو لم يحصل
ونتمنى ان يتم العفو عنها من قبل ذوي المقتول
تقبل خالص الموده
ابو عبدالله

تسلم ابو سلطان،

انا لله وانا اليه راجعون ،

الله يخارجها وبفك اسرها ويشد من أزرها ويجعل لها في قلوب اهل غريمها رحمة تخرجها من سجنها انه على كل شئ قدير ،

الدنيا مليئة بالبلايا والرزايا، الله يكفينا شرها وما تكتنفه ويستر علينا وعلى جميع المسلمين يارب العالمين،

مشكور ابو سلطان،

اخوك ابو شروق

السلام عليكم ورحمة الله وبركاته

خبر عاجل : تنازل أهل القتيل عن سجينة خميس مشيط بعد محاولات من ولي العهد حفظه الله
وسيفرج عنها في رمضان ان شاء الله

اسأل الله تعالى لكل من سعى الى عتق رقبتها ولو بكلمة أو دعاء أن يعلي قدره ويرفع درجته


الحمدلله والشكر لله

منقول
درب0درب