شــمــوخ ... فـتـاة عــانــس ..

هذي سـالفه جلست فترة طويلة حديث المجالس حبيت انقلها لكم ..
أكيـد بتكون صاحبة السـالفه بنت أجوديه
كانت البنت كل ما يتقدم لها رجال ترفضه! ...
واستمرت على ها الحال لين ما كبرت البنت وقلوا الخطاطيب!
والمهم كل مجلس تطبه البنت يتلامزون ويتغامزون الناس عليها الي بالمجلس
وكانت تحس وتشعر بهذا الشيء وباللي يصير حواليها مع انه مافيها عيب
رغم كبرها بالسن الا انها لازت تحتفظ بجمالها الفاتن ..
وفي مره من المرات سألوها سؤال مباشر
( ليش ترفضين كل من يطلب يدك ؟!؟ )
البنت ردت عليهم بهذه الأبيات المعبره عن موقفها السامي

إيه افتخر لاقالوا الناس عانس =وافرح إذا ما جزت للخاطب ظلال
اضحك وانا اسمع سيرتي في المجالس=واعرف عيون الناس ماترحم الحال
حالي مثل من هو على الباب حارس = يحفظ كنوز ما تقدر بالأموال
صعبة يجي إنسان ما هو بفارس =ياخد بنية مضرب لكل الأمثال
ولا يجي طايش وجاهل مدارس =أكبر طموحه خط بيجر وجوال
صدره من أمراض الدخاخين تارس =زود على السكر ومنحط الآمال
ولا يدور براسه اليوم هاجس =يبدأ يغني كل هاجس وموال
النفس في خشمه ودايم يعامس =يقول أنا لي شارب وألبس عقال
خبّرني كيف أحيا مع إنسان لاقس =وشلون أجاري لعبة إنسان دجال
هذا كلام بصوت كل العوانس =خذها شموخ وعز مع روقة البال
إيه افتخر لاقالوا الناس عانس =ما دام ما هو من تقدم برجال

هذا ماردت به البنت عليهم وكانت إجابة مسكته لسؤالهم
واتوقع هالابيات كافيه ووافيه .. ومااتوقع انهم راح يتجرؤون مره ثانيه ويعيدون السؤال ..
لأنه ليس من حقهم من الأساس ان يغتابوا اي انسان 0
ولكن الله الهادي هذا حال المجالس بصفة عامة