تغطي يـا بنت هذا سعودي

مشاهد من واقعنا الذي نعيشه وطريقة التعامل معها0
مشاهد وشاهد !!! ( موجهه لك ولكي)
تغطي يابنت هذا سعودي!!
طيب ليش ليش ؟؟؟
الموضوع صريح ويتحدث عن واقع نعيشه
وهنا بنقل لكم بعض المشــــاهد
نبدأ المشوار مع المشاهد
المشهد الأول
@@@@
فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطت كأنها ما كانت تكلم رجال زيه زي اللي دخل وغطي يا بنت سعوي.

المشهد الثاني
@@@@
إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

المشهد الثالث
@@@@
بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وغطي يا بنت سعودي.

المشهد الرابع
@@@@
مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي < طلع سعودي.

طبعا كل المشاهد بمباركة الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .....

قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب

معليش شباب وبنات هذا الواقع اللي عايشين فيه ...

المشكله والله ..( اي اجنبي) عادي مولازم تغطي هذا أجنبي
( سعودي) يا ويلي والله سعودي تغطي يابنت الناس
@@@@
يمكن تكذبني اويكذبني أنا بصدق نفسي لأني شفت بعيني وعندنا هنا
ليه كل هذا مادري وإلى متى برضوه مادري؟
إسالوا أنفسكم ........؟
تقبلوا تحياتي

يعطيك العافية اخي دباس
فعلا الموضوع ذو شجون ويحتاج الى نقاش

البنات السعوديات يعتبرن الاجنبي عفيف والاخرى تعتبره مسكين ما يسوي شي
اما السعودي فيرينه شيطان
لماذا ؟

حتى الليموزينات
لا شافن السواق سعودي
( يووووووه وش جابه ذا يا حبه لمغازل بنات خلق الله
اما الاجنبي يا حليله مسكين ما يسوي شي
لانه جاي يترزق الله ما يبي يخش في متاها العصر)

فعلا اهل العقول في راحة

مشكور اخي دباس مرة اخرى واتمنى من الاخوة الاعضاء ان ينفاعلوا مع الموضوع

اخي جبل حرفه اشكر لك مرورك وإضافتك وتعليقك على الموضوع
انت والله تكلمت عن نقطه جديره بالاهتمام الا وهي مشكلة سيارات الاجره وخاصة انه سوف ياتي يوم لا تجد فيه ولا اجنبي فلابد من التأقلم مع السعودي من الان واعطاءه كامل الثقه في عمله الجديد الذي يريد فقط به ان يستر عائلته ونفسه مع شح الوظائف وكثرة البطاله وتفشيها في المجتمع السعودي
ثم نرجع الى موضوعنا واقول هل حلال للاجنبي التمتع بالنظر والحديث بل الجلوس وحرام علينا ام انهم ليسو برجال0الله اعلم يمكن البنات شافوا شي ما شفناه0
شرفني حضورك اخي العزيز
اخوك
دباس الجارح

فعلا اخووووووي دباااااس هذا اللى حاصل فى هذه الايام

وهم اقليه نسال الله لهم الهدايه


تحياااااااااااااتي لك


الساااااااااااااااهر

اخي العزيز سيف
شرفني مرورك وتعليقك على الموضوع
واتمنى ان يكونوا قلة كما ذكرت
لك ارق تحيه
اخوك
دباس الجارح

تدري ليش يادباس

لأن السعودي إذا شاف وحده سعوديه بيصير فيه أحد أمرين

1- ( أنت تعرفه ).

2- أما يغمى عليه .. ويدخل العناية المركزه .




0(( ولي عوده )) .

الحب الحب

مشكووووووور دباس الجارح

والله وضع حاصل ومازلنا نعايشة بس خل الاجنبي يمتع عيونه حلال عليه وحرااام علينا

تحياتي لك

المشاركة الأصلية كتبت بواسطة الفتى البارقي

مشكووووووور دباس الجارح

والله وضع حاصل ومازلنا نعايشة بس خل الاجنبي يمتع عيونه حلال عليه وحرااام علينا

تحياتي لك

الفتى البارقي اتمنى تكون بصحه وسلامه
انقطعت اخبارك بالمره
تقبل مودتي وكل عام وانت بخير
ابو عبدالله

موضوع فى غايه الاهميه ودائما نراه / ونسمعه / ونعيشه /


الله سبحانه وتعالى عندما فرض الحجاب على حواء فرضه على كل عالم آدم


دون التحيز لدين او نسب او جنسيه //


ولكن للأسف نحن نتعامل مع ( آدم ) بحسب جنسيته وأصبح الحجاب


مجرد خوف من الاخ وابن العم وابن الديره //


والدليل أولا ينطبق على السائق الخاص للعائله نرى حواء لا تمانع ان تكشف


بحضوره وتتناقش معه بأعلى صوت ودون خجل واذا كانوا مجموعه من


البنات ترى ضحكاتهم ونقاشهم وكأن السائق مجرد جماد لا حس فيه ..


وكذالك فى المطاعم والمحلات التجاريه نرى انفسنا نتمادى فى المزاح


يمكن بدون قصد ولكن لا نعتبر بوجود هذا الرجل الغريب ...


وكذالك بالسفر خارج البلاد هناك لاتعرف السعوديه من الاجنبيه ...


ترى النساءيحللون اى شى كان حرام فى بلادهم وكأن الله سبحانه


لا يطلع عليهم الا فى بلادهم ...


طبعا نحن لا نعطى لانفسنا اى عذر فى هذا التصرف ولكن طبيعه


العلاقات العائليه عندنا والكبت الزائد حتى بين المحارم هو من ادى الى


هذا التسيب أحيانا ,,,


اللهم استر على جميع بنات ونساء المسلمين

اشكرك اخوى ابوصالح بارك الله فيك وجزاك الله خير وتقبل مروري
تحياتى

مرحبا ياباشا دباس قصدي صالح ال سلمان

بكل بساطه السعوودي قليل ادب
وبث

حتى نكون منصفين لا نمسك طرف ونترك الطرف الاخر

ومع احترامي وتقديري لبعض الاخوه في ردودهم عدم الهمز واللمز فمن تتحدثون عنهم هم اخوات وامهات وزوجات لنا جميعا

نناقش الموضوع بصورة افضل دون المساس بالأعراض

المشاركة الأصلية كتبت بواسطة فايز العمري

حتى نكون منصفين لا نمسك طرف ونترك الطرف الاخر

ومع احترامي وتقديري لبعض الاخوه في ردودهم عدم الهمز واللمز فمن تتحدثون عنهم هم اخوات وامهات وزوجات لنا جميعا

نناقش الموضوع بصورة افضل دون المساس بالأعراض

هلا وغلا ابو سعد سعدت بمرورك الكريم ونقاشك
واعلم اخي اننا حين نناقش مثل هذا الموضوع ليس من فراغ او اننا نقصد شخص بعينه
بل هو موضوع عام وموجود
وواقع ملموس في كل مكان
الاسواق المطارات الفنادق وغيرها كثير
تقبل مودتي
ابو عبدالله

مع إحتراماتي للسعودين ..( أحلى يا خواجه ) ..

إن تفكيرهم محدود .. ( مو كلهم طبعاً ).

وصراحة مع الحريم حق في الشئ هذا ..

لأن السعودي ( بالذات السعودي ) .. ما عمره شاف الحرمه ذي ..

يعني ما يصدق على الله يشوفها ويسوي الي ما يستوي ..

نسأل الله العافية ..

أما الهنود والبنقالية ( ومن زاد في زيده ) ..

فهم أبخص منا في الشئ هذا ..

يعني طفشوا من الحريم وهم عاريات ..

يعني ما يعتبرونها مشكلة إذا كشف أحد قدامهم الوجه .,.

أما السعودي ..

يا ويللي ويلااااه ..

إذا في السوق أو في مكان عام ما إستطعنا نمسكه ..

والمرأة في كامل إحترامها ..( مو كامل لكن محترمة شوي ) ..

يعني بالله ااايش تتوقع يصير لما يكونوا مع بعض في سيارة واحدة ..

والله إن يحصل علوم ..

الله يعافينا وإياكم ..

ويبعد عنا الشر وأهل الشر ..

تسلم أخوي دباااااس فعلا هذا صحيح
ومجربة..شفتهاااكثير ..
لكن الله يهدي الجميع
ولك تحيااااتي...

السلام عليكم ورحمة الله وبركاته

تسلم أخوي " دباس الجارح " ...

لكن عندي تعليق بسيط على كلام الأخوة والأخوات على هذا الموضوع ..

بصراحة كثر الكلام على أن السعودي فيه وفيه وفيه ... لكن الأجنبي (( يا حليله ،،، مسكين ،،، جاي يدور رزقه ...الخ )) ..

آآآآآآآآآآآآآآآآآآآآآآآآآآآآآآآآآآآآآه لو تدرون عن الأجنبي اللي معطينه راحة بالكم !!!!

المهم إذا كان السعودي وجهه قوي ولازم يتكلم ويسوي حركات وووووو...

فصدقوني الأجنبي يسوي شيء ما يشوفونه الحريم وبعدين !!!! الله المستعان ..


أوعدكم إن شاء إني راح أنزل قصة ( هي قديمة صح ) وما أدري أذا كان نزلت قبل كذا أو لا لكن حانزلها في المنتدى إن شاء الله خلال يومين .. علشان تعرفون أيش ممكن يسوون سواقين اليموزينات الأجانب ... و لا تنسون إذا وعد راعي الأوله وفى .

راح يكون موضوع المشاركة ... " وعدكم راعي الأوله ووفى ... القصة المخيفة الحزينة " ..

وتحياتي للجميع ... راعي الأوله ...