ظــالم و مظـلوم }}

البارحه عيت عيوني عن النوم
القلب صاحي وطير النـوم منـها

حطيت نفسي بين ظالم ومظلوم
لقيت نفسـي ظالـمه فـي عملـها

الهم طاولني وانا منه مهـمـوم
حسبي على نفسي مطول كدرها

ماني صغير توني اليوم مفطوم
ولاني بجاهل حاجته ماعرفـــها

يالله يالمعبود يامكثر اللــــــوم
تـثرعلى نفسـي ويثمـر جهــدها

في طاعتك دوم وفي حاجتك دوم
يامطوع العاصي ونفسه رحمها

يطري علي ابوي واقول مرحوم
الموت حق وكل نفسن اســرها

وتطري علي اعلوم وعلوم وعلوم
يالله صبرنــي على اللي بعــدها

تخنقني العبــرهـ الا جيت باقــوم
ولاصرت جالس طولت في سهدها

احس في قلبي وفي عيني اغيوم
وسحابتن تمطر عليه بمطــرها

غرقت بدموعي اناكيف بعـــــوم
وسط الهموم اللي غزير بحرها

يالله يا كاتب على عبدك الصــوم
ترحم عيون طولت في سهرها