،،،، قصيدة .... حزينة ،،،،

[poet font="Simplified Arabic,4,blue,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
تكفين ياطيور السما إفزعيلي
أبي عن ديار الاهل منك الاخبار
تكفين حومي فوقهم وإرجعي لي
وإلا إن حصل لك حومة داخل الدار
تكفين حول بيوتهم دوّري لي
سبعة فروخ يوم اخليهم صغار
شوفي ضناي وعوّدي وانكفيلي
وشلونهم ياعلّهم صارو كبار
نسيو دفاي ونومهم في شليلي
وش علمهم ياعلّهم طول الاعمار
قولي لهم إن أمكم له عويلي
خمسة سنين دمعها دوم مدرار
وقولي لهم إني على طول ليلي
أنوح والياقرّب الصبح انهار
وقولي عيونه دايم له هميلي
تبكي لياشافت من الناس زوار
كل يوم اقول أغدي حديهمiيجيلي
راحت سنيني مابهم واحد زار
وأنا اللي من سبّة سوات الحليلي
حالي تردت كل ماله وتنهار
وفرقى ضناي اللي تردت بحيلي
كنّي على شوفتهم اصلى على نار
ياويلي كان الله عجّل رحيلي
وأنا لي سنين ابي لو هي أخبار
ياعونة الله من يبي يرتكي لي
جارت علي بأمر الولي كل الاقدار
تنكروا من يدخلون الدخيلي
واللي بوسط ديارهم يامن الجار
قولي لهم ياطيور قلبي عليلي
الله يكافي قلوبهم صارت احجار
وانا اللي لبراق الخيال استخيلي
واقول باعل(...) للأمطار
تكفين وسط ديارهم صوّتي لي
شوفي عسى لأسمي مع الناس تذكار
وقولي لهم نسيانهم يستحيلي
ياللي نسيتوها ترى الوقت دوّار
ياهيه ياللي بالسما لك هديلي
ردي خبر تكفين يكفيني امرار
شوفي هكاللي نومهم في شليلي
من اذّانة المغرب الى وقت الاسحار
شوفي اكا اللي ماإهتني في مقيلي
إلا بمقيل معهم كبار وصغار
وقولي لهم ان كان حملي ثقيلي
مرة يجون وعقبهاشئ ماصار
وانا يتولاني كريم جليلي
ياعلني في جنته وسط الابرار
[/poet]