قصيدة :- للوطن حق علينا ,,

السلام عليكم ورحمة الله وبركاته
وبدون أي مقدمات

الوطن حقه علينا ما نطيع=فيه من يبغي وللشيطان طاع
والله إنا دونه السد المنيع=بالقلم والدمّ ما نخشى الصراع
من كبير السن (ل) الطفل الرضيع=نرجع الصاع الوحيد الفين صاع
خبّر الحوثي أبو راسن وضيع=جاه من ينويه قطعن واقتلاع
عوّد لمنفاك لا تسوي شجيع=ليس دونك غير موتن ما يصاع
حن مع الطيب كما حملن وديع=والعدو مثل الضواري من السباع
واسأل اللي شاهدن يوم الوقيع=يوم دكّينا الجماجم والقلاع
والجيوش الهاربة ظلت قطيع=وبعضها صارت طعامن للجياع
ولا غرابه منك يالشعب الرفيع=انتو احفاد الصحابة لا نزاع
موطني يا قبلة العالم جميع=فيك بيت الله وطيبه باجتماع
وفيك مولد احمد الهادي الشفيع=ومبعثه با لوحي والنور المشاع
وفيك تطبيق الشريعة لا الذريع=كل مسلم يمشي دربه با قتناع
والعدالة فيك رمزن ما يضيع=حق إنسانن يظن الحق ضاع
وانت فيظن أنت نبت للربيع=وانت خيرن للبشر زمجر وذاع
تحت ظل آل السّعود احنا نذيع=كل طاعة و ولاءن واستماع
الملوك اللي كرامن بالصنيع=الأسود اللي لهم في الحرب باع
يحفظون الأمن والسيف البريع=للبغاة اللي بغوا درب الضياع
واللي يبغون الفتن فينا تشيع=فيهم ابليس اشترى الذمه وباع
جعلهم بالموت يصرعهم صريع=من دعاة العولمه أهل الخداع
والغلاة اللي من السنه خليع=روّعوا الآمن بجهلن واندفاع
والختام ادعيك يا لرب السميع=تحفظ الدوله ومن في الخير ساع

وسلامة روسكم ,,