|
بكرة دوام ...... عطوني رايكم في :-
حدة مدمنة دوام قالت هاﻷبيات :
لا و الله إلا مرحبا بالدوامااات مجمعة شمل الخوات الحبايب كل يوم فنجال وكاسه وناسات وتنظم اﻷوقات لطفل وشايب عسى الليالي كل أبوها دوامات مانشوف تالي الليل بالبيت غايب جاها الرد من أم عبدالله ياجعل ماهو مرحبا يالدوامات مفرقة شمل اﻷهل والقرايب كلن على شانك قطع له مسافات خايف يسجل داخل الكشف غايب عقب التجمع والهناء والمسرات بين الجماعة والأهل والحبايب جانا الدوام وفرق العالم أشتات يدعي عليه اليوم ورع(ن) وشايب وجاها رد آخر سلام مني لمدمنة الدوامات رايك ترا يالغالية غيرصايب كانك لقيت بالدوام الوناسات حنا دفعنا للوظيفة ضرايب أنا من اللي عانت من الدوامات عانيت من بعد الأهل والحبايب ياما قطعنا للوظيفة مسافات في بردها وفي حاميات اللهايب وياما ذرفنا ساعة البعد عبرات أقسى من الدمعة على خد شايب وياما كتمنا داخل الجوف آهات لحظة وداع اللي له القلب ذايب ديرة لنا فيها صغار وعورات وديرة لنا فيها عجوزٍ وشايب حية وكني من عداد الوفيات القلب ينبض لكن العقل غايب.. وبعد هالأبيات التي أعجبتني عاطونا علومكم .. من جهتي مهما كان الدوام متعب إلا إنه حلوا في تنظيم الوقت وتنظيم الوجبات وتنظيم النوم ....... والسيطرة على الوضع داخل البيوت ..... بشرط أن يكون الدوام قريب من السكن أما والله إللي يقطعون المسافات كالمدرسين والمدرسات وبعض العساكر ..... فلا والله الله يعينهم وهو فعلا معناة وسلامة الجميع |
الله يعز الدوآم تنظيم وقت ونوم هات المسافه والتعب ولا الفوضى وتعب الاجازه.. شكرآ ابوسيف.. |
وأنا أخوك مداومين من يوم الخميس ... يعني مافرقت ... |
الإجازة متى ما كانت قصيرة فأكيد يكون التمسك بها أكثر نوعاً ما .. ولكن إذا طالت فإن الملل يحل بنا ويتضح بشكل أكبر .. وبالطبع أميل لهذا الرأي بشكل كبير : اقتباس:
|
يعطيك العافيه بوسيف والله يعين الجميع
مروري المتواضع ولك التحيه |
الا يا زين الإجازة نا فداك بلا تنظيم بلا مواعيد بلا إرتباط بلا همّ ، الدوامات شر لابد منه ، ومن بغى الدح فلا يقول أح ، فلابد من التنظيم سواء في النوم أو الأعمال شيئنا أم أبينا ، ومن أراد التنظيم فعلاً فليس للإجازات أو الدوامات سبب رئيسي فيها ، بغض النظر عن بعض الأمور الخارجة عن التخطيط ، عموماً الله يحييك يا أبو سيف وعلمك ، ودمت في دوامات :d ، شاكرين ومقدرين طال عمرك هذا الطرح وهذه الأبيات . |
الله يعينكم :)
|
اقتباس:
اقتباس:
أما بخصوص دوامك من يوم الخميس ..... ففيه ناس ما أجزوا أصلاحتى يوم العيد !!!!! يعطيك العافية ....... وشكرا لمرورك اقتباس:
اقتباس:
|
اقتباس:
اقتباس:
يعطيك العافية ....... وشكرا لمرورك اقتباس:
شكلك مكبرة المخدة ......... ولا لك علاقة بالموضوع يعطيك العافية ....... وشكرا لمرورك |
الدوام نحن من نشحن نفسياتنا باننا لانريده انا معكم الاجازة جميلة ولكن الدوام ايضا جميل لماذا لانجعل الدوام بدواخلنا اجمل حتى نشعر بالسعادة وليس الحزن لا
فيه تنظيم للوقت ويجعلك تشعر بساعات يومك وينتشلك من الرتابه والكسل والمفروض الي عنده دوام يحمد الله لان غيره يتمنى وانا هنا اقصد الموظفين بعدين على قدر محبتك لدوامك تشعر بلذة المقبوض يوم 25 والطلبه يازين الدراسة ومستقبلها رائع ومهما كان شعورك فسوف تداوم فخليك فرحان افضل لقلبك شكرا لك اخي الفاضل |
ههههههههههههههه ضحكت والله على القصيدة :qlbe3: :qlbe3:
بالنسبة لي سبحان الله الدوام نفسية يعني اذا عطلنا والله العظيم الساعة ( سته ) وانا صاحي :030104_emM7_prv: واذا كان دوام ارقد لين يدقون علي او اروح متأخر واخذ لي كم كلمة على كم دش :030305040926: تحطم ( كبريائي :050103lv_prv: ) بس اذا كان الدوام سواليف وضحك ( عاد انا ضحكتي قويوووية ) لا والله امووووت في الدوام وودي ارقد في المكتب :d >> منافق :010305123602: |
ما فرقت عندنا يالعاطلين اللي كل صبح تلقانا مسنترين في الموقع وحن معروفين ونعد على الاصابع بقيادتي . ههههههههههه
اما انتوا فداوموا والله يعينكم . |
اقتباس:
شكرا لك ...... ويعطيك العافية اقتباس:
|
هههههههه قصيدة روعة
بس والله الدوام نكد منظم احياناً والاكثر فلة وسواليف من جهه والله يعين من بكرة والزحام هو المشكلة تحياتي |
قبل الرحيل
شكرا لمرورك |
| الساعة الآن 05:35 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir