منتديات بني عمرو - جديد ابن جدلان : الامم رعايا والرعايا للوزير مودعه!!!

بسم الله الرحمن الرحيم

السلام عليكم ورحمه الله وبركاته

قصيده او رساله من الشاعر الكبير

سعد بن جدلان الاكلبي

يفجر من خلالها الامور التي تحد المواطن عن الملك وتطرق فيها

الى بعض الوزراء اتمنا ان تنال اعجابكم واترككم مع القصيده

الشكر لله والثنا والحمد له حمد(ن) كثير
اللي تحت هيبت قواة الطايرات موقعه

يامصغي ارجول تباه من الكبير الى الصغير
من لابسين البشت حتى لابسين القبعه

حنا ثقتنا في ولاة الامر منقطع النظير
وعقولنا تازن مصابيح السماء المتربعه

واللي حفظنا من وصاة محمد الهادي البشير
اللي يقوم بعون اخيه يقوم عون الله معه

لاتقطع ارزاق المواطن من مليكه ياوزير
وحط نفسك في محل الضيق وانته في سعه

تقاري للمريض وتنسدح فوق السرير
واللي يشوفونك يحسبون وجعك مثل اوجعه

وانته بخير من كفوف الخير والدنيا بخير
وسببت من بين الحكومه والمواطن زعزعه

ماقوم الدنيا على هلها عبوس قنطرير
يكون لا صاح المواطن والملك مايسمعه

واكبر غضب ربي على المأمون معدوم الضمير
لاهو مع العشره ولا السبعه ولا مع الاربعه

نص الكلام وزبدة الموضوع الاول والاخير
الامم رعايا والرعايا في للوزير مودعه

صح الله السانك يابو محمد