منتديات بني عمرو

منتديات بني عمرو (https://forum.baniamro.co/index.php)
-   همس القوافي (https://forum.baniamro.co/forumdisplay.php?f=137)
-   -   بين عاشق وناصح (https://forum.baniamro.co/showthread.php?t=87862)

محمد بن لقفص 01-21-2013 12:45 PM

بين عاشق وناصح
 

بين عاشق وناصح
بدع
والبارحة يا بن لجوادي=فزيت من حلو مر قادي
واردد الصوت وأنادي=والفلب يسري به الطاري
الرد
بالله يا صاحبي مالك =وشفيك متكدر حالك
كن الهوا مشغل بالك=خلاك طول الدجى ساري
بدع
خلاص يا صاحبي كافي=ما ودي أوضح الخافي
بلاي من زين لا وصافي=واكيد هو بالسبب داري
الرد
احذر من العشق ودروبه=كم صار به ناس منكوبة
من ساعتك قرر التوبة=واعلن رجوعك إلى الباري
البدع
العشق يا شيخ طار وقي=عشرين عام وهو ذوقي
كم ذقت من حالي الشوقي=واليوم سبب لي أضراري
الرد
عالج فؤادك من أوجاعه=واجعل بدال الهواء طاعة
وابعد عن الشر بأنواعه=واترك مخاواة لشراري
البدع
كيف أقدر أعالج أجراحـي=والبال ما هو ب مرتاحي
عطني علامات لفرا حي=من دون ما تنشر أخباري
الرد
التوبة أفضل وصياتي=واحفظ جميع الصلواتي
واهدي لك أجمل تحياتي=أزفها عبر لاشعاري
البدع
والذكريات اللي أذكرها=في كل يوم أتصورهـا
وشلون يا لغالي أنكرها=تأثيرها في الحشا جاري
الرد
كل العلاقات وقفـها=وأرقام خلانك احذفها
والروح لا عاد تتلفها=خلك شديد وصباري
البدع
كيف أقدر أهمش أحبابي=بالله يا عز لصحابي
تغلقت كل لبوابـي=وأصبحت بالحيل محتاري
الرد
نصيحتي لك ولا مثالك=راقب إلهك في أعمالك
وابعد عن اللي برا حالك=وارجع لمن بالخفي داري

بن ظافر 01-21-2013 07:47 PM

اختيار موفق صح لسانك
الـــــــــــــــــبــــــــــــــــــدع
كيف أقـدر أهمـش أحبابـي
بالله يــــا عـــــز لـصـحـابــي
تـغــلــقــت كــــــــل لــبـــوابـــي
وأصبحـت بالحيـل محتـاري
الــــــــــــــــــــــــــــــــــــــــرد
نصيـحـتـي لـــك ولا مـثـالـك
راقــب إلـهــك فـــي أعـمـالـك
وابعـد عـن اللـي بـرا حـالـك
وارجـع لـمـن بالخـفـي داري

محمد بن لقفص 01-22-2013 10:57 PM

بن ظافر بيض الله وجهك واشكرك على مرورك
وحضورك الجميلين دمت ودام تواصلك ياغالي

أبو ريان 01-22-2013 11:41 PM

لا جديد على التميّز وروعة الطرح شعراً ..
فقط زدت تميّزاً بأسلوبك الجديد ..
صح لسانك أيها الرائع ولك تقديري ..

ابو زياااد2009 01-24-2013 11:10 AM

رائع

أخي محمد

بدع و رد

http://img227.imageshack.us/img227/5323/61fq1.gif

مودتي

محمد بن لقفص 01-24-2013 12:52 PM

اقتباس:

المشاركة الأصلية كتبت بواسطة أبو ريان (المشاركة 1108347)
لا جديد على التميّز وروعة الطرح شعراً ..
فقط زدت تميّزاً بأسلوبك الجديد ..
صح لسانك أيها الرائع ولك تقديري ..

أخي ابو ريان رفع الله قدرك وشرح صدرك على هذا المرور الرائع
فقد أسعدني جدا تواجدك أمام نصوصي ومواضيعي لك ودي وتقديري

تراتيــــل 01-24-2013 03:21 PM

صح لسانك ملايين يابن لقفص
روعة حرفك وصآدق آحسآسك
لآمسنـــــآ بكل شفآفيه
.. يبقى ..<~
آن آتآبع بصمت وآنثر آطوآق
يآسمين تحمل آمنيآت بيضآء
تقديري وشكري آلذي
لآ يوفي حروف آلعضمآء حقهآ

http://www.d5eel.com/vb/imgcache/b8c...0ed8384b7f.gifhttp://www.d5eel.com/vb/imgcache/b8c...0ed8384b7f.gif


الساعة الآن 03:52 AM

Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By Almuhajir