|
يقولونه ..
العام يا أم سعود كان الحزن ضيف
،،،،،،،،،،،،،،،، واليوم دق اوتاده الحزن فينا الحزن غيمه غيبت نجمة الصيف ،،،،،،،،،،،،،،، وباأسباب جوره ياجواهر شكينا غاب الحبيب وﻻبقى للهنا طيف ،،،،،،،،،،،،،،،، وال آه يانورة تهاوت علينا كن الظهر ياسعود فيه انغمد سيف ،،،،،،،،،،،،،،، والصدر صار لكل اﻻوجاع مينا اقول يامحمد متى فارق وكيف ،،،،،،،،،،،،،،، واصيح ياسارة متى هو بيجينا يانوف من عقبه ترى بسمتي زيف ،،،،،،،،،،،،،،، جف الفرح من حولنا وانطفينا أبوك يانواف ماله تواصيف ،،،،،،،،،،،،،،،، وانشد مشاعل كان مثله لقينا والكون ياهيفا بلا ظله مخيف ،،،،،،،،،،،،،،،،،، واعذر بكانا يافهد لو بكينا كان القمر كان البحر والمجاديف ،،،،،،،،،،،،،،،،،، كان الحنان اللي بحضنه دفينا وكان الملاذ لشاكي الضيم والحيف ،،،،،،،،،،،،،،،،،، كم شال عنا كم خذا عن يدينا عاش ورحل كله مهابه وتشريف ،،،،،،،،،،،،،،،، جار الحرم فوق الحكي وان حكينا والله لو كان المقدر على الكيف ،،،،،،،،،،،،،،،،، ماغبت يا نايف وﻻاحنا ضمينا كل مارخيت الجفن جدت عواصيف ،،،،،،،،،،،،،،،، والشوق ثار وفارقتني السكينه وشفتك مثل شمس بروس المشاريف ،،،،،،،،،،،،،،، نورك يناديني وانا اقول وينه؟ والقاك واصحى والمحك راقي النيف ،،،،،،،،،،،،،،،،، حي ولو صلت عليك المدينه أحسك بجواي ماهي تخاريف ،،،،،،،،،،،،،،، ياساكن عيون المهاه الحزينه فـ: إذا جلسنا بين صمت وسواليف ،،،،،،،،،،،،،، وفي ذا الممر اثنينا كم مشينا وفي هالزوايا كم جمعنا مواليف ،،،،،،،،،،،،،،، وياما على ذيك المرايا ضوينا عشرة عمر ما تنتهي بالصواديف ،،،،،،،،،،،،،،،،، وذكرى تبي تحيا ولو مابقينا الموت يانايف كتاب وتصاريف وحنا بحكم اللي خلقنا رضينا مها بنت محمد السديري ( غيوض ) |
إختيار رائع
سلمت يداك الله يعطيك العافيه. |
سلمتى وحياك الله
|
مرثيه رائعه ومؤلمه
الله يرحم الامير نايف سلمت الإنامل الراقيه .. |
آمين آمين
سلمتى |
اختيار موفق الله يعطيك العافية
فـ: إذا جلسنا بين صمت وسواليف ،،،،،،،،،،،،،، وفي ذا الممر اثنينا كم مشينا وفي هالزوايا كم جمعنا مواليف ،،،،،،،،،،،،،،، وياما على ذيك المرايا ضوينا عشرة عمر ما تنتهي بالصواديف ،،،،،،،،،،،،،،،،، وذكرى تبي تحيا ولو مابقينا الموت يانايف كتاب وتصاريف وحنا بحكم اللي خلقنا رضينا |
الله يعافيك ويسلمك
|
عشرة عمر ما تنتهي بالصواديف ،،،،،،،،،،،،،،،،، وذكرى تبي تحيا ولو مابقينا الموت يانايف كتاب وتصاريف وحنا بحكم اللي خلقنا رضينا إختيار رائع وجميل بجمال إحساسك ومشاعرك سلمت ودمت يابعدي رحم الله الفقيد وصح الله لسان الاميره الشاعره غيوض مرثيه مؤلمه كلماتها |
نعم رحمه الله
سلمت وحياك ربي. |
مؤثرة ومحزنة ..
رحم الله موتانا وموتى المسلمين.. تقديري . |
آمين آمين آمين
سلمتى طيف |
| الساعة الآن 07:17 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir