|
يــــــــــــــــــا منتخبنا
يقول من شاف الملاعب وشاف الإنشطاح =
يا منتخبنا ضاعت أمآلنا والحظ طاح = من يوم صارت الأنديه مثل خزنات البنوك = واللاعب أصبح عندنا أغلى من قصور الملوك = وأنا حقيقه كنت متشائم من كل لون = من خمسة أعوام ولعب السعودي دون دون = وأسبابها قلب المصيبيح وأصحاب الميول = اللي لهم في كل مرباع مرسال ورسول = والبارحه خليتنا يا قطر نذرف دموع = على ملاعبك الجميله غدينا كالشموع = واليوم أنا بأصيح وأقول يا أصحاب القرار = هات الفلوس اللي توزّع على تلك الوجيه = أشري بها أرضٍ بور وأبني عليها جامعه = |
عز الله إنك جبتها يا أبو محمد ..
صح لسانك وعسى الله يصلح لاعبي منتخبنا .. شاعر تحضر بوقتك المناسب دائماً .. الله يعطيك العافية ولك تقديري .. |
الرد الكفو يثبت في نهار اللقا والاش طاح ما ينفعه كثر التمارين ولاّ الانبطاح عّلم بها يا كل عاقل صحابك والبنوك ولا تصدّق من يواعدك ولاّ يأملوك من شوفته صار العرب كلّهم متكللون النظره العليا بعيده وينظر دون دون حليل ذا يمشي المسافات ويعد الميول مسرع ولا في مشيته تهديه ولاّ رسول كنا نقول المنتخب ما يخاف ولا يروع ونعّدهم دون العلم والوطن مثل الدروع من بعدها ضاع الامل لا محل ولا قرار عزالله انك صادق القول وان قولك وجيه يا شاعرٍ جاب الحكم والمعاني جامعه |
ابو غزيز & الشيباني شعراء متميزين وطرح قمّة لا عدمناكم ,, |
ابو ريان / بيض الله وجهك أنت وصدقني لو إنك في المنتخب ومعك مرعي الحمراني رآس حربه إن تفوزون 0
أبو مشيب / سلمت ودمت على هذا الرد الجميل الوافي من شاعرٍ وافي 0 أبو عوض / الله يسلمك ويديمك ولا يهينك ياغالي على مرورك الطيب 0 |
تبارك الرحمن يا بوعزيز صح لسانك وابيض وجه
من خمسة أعوام ولعب السعودي دون دون = وأسبابها قلب المصيبيح وأصحاب الميول = اللي لهم في كل مرباع مرسال ورسول = والبارحه خليتنا يا قطر نذرف دموع = على ملاعبك الجميله غدينا كالشموع = واليوم أنا بأصيح وأقول يا أصحاب القرار = هات الفلوس اللي توزّع على تلك الوجيه = أشري بها أرضٍ بور وأبني عليها جامعه |
تسلم يا بو ظافر والله يصح بدنك وعساك ذخر 0
|
| الساعة الآن 11:16 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir