|
انقذوني من الخطاف والا انقذوا الخطاف مني
احبتي متابعي صفحة المحاورة باقي من الاجازة يومين ودنا نتدرب ونسليكم واستلم يالخطاف البدع يابو عبدالله وبوريان بشتكي من الشاعر الخطاف ذا خطف عينه بيده واقفا قال هذي عن قبائله الرد مرتوي من المعرفه ريان واتخطف من العرب خطاف والبطل في المعركة له وقفا بان صدره من قبايله |
اقول اصطلحو ,, ييها احلى
== حكيم المنتدى مبدع كالعادهـ == احترامي وتقديري |
حياك الله ياحكيم المنتدى والله يعطيك العافية على هذا التواجد الرائع الأيام هذي أشوفك متربّع في قسم الشعر وكل شوي تحتد لك واحد وشكلك ناوي على نية البدع والله إني بجيتك فرحان والخواطر طيبه ونضاف نارنا مشتعلتن ما تطفأ فوقها البن في دلايله الرد حان وقت الكر والفرحان والجميل إلانا ولك ينضاف عندي امحدش وعندي هطفا والعدو بعمي دلايله |
خطاف الشعر اشكر سرعة تجاوبك وقدرتك على فهم المعنى اما سر تواجدي هذه الايام فهو اعجاب بما طرحه فؤاد بن بطاح سابقا وقد استفدت من مجاراته وقلت اليوم بنرفع مستوى التدريب مع مشرفنا الفاضل واستلم البدع لابتي عمرين في الميدان في طريق العز ماتنطاف ونت من دون اسمها بالشلفا قلتها والشمس قائله الرد العسل شفته في العيدان قلت بقطف لي منه قطاف اللا ونه قد خذاه الملفا والصبي والعود قائله |
حياك وانا اللي استفيد وأتعلم ماهو أنت البدع والله نعم القيف واحنا أخوان والمراجل بيننا بنصاف كل علم غانم ن بالنصفا والردي قبله نكايله الرد ما معايه حيلة ن وأخوان تاجرن وأبيع بن ن صاف بننّا عن ما ورد بن أصفا وانت ناظر له وكايله |
راسك السالم والله الا ودك ترفعني على شان تجي الطيحة مزبوطه لكن استلم البدع علمكم طيب وعلمي زان يا وزين العين ما تنطاف انت خيال وانا لك ردفا والبطل بانت فعايله الرد انت علمك رجح الميزان فالك السدره معاها الطاف لو تشب النار ليه بدفا خل ولد اللاش عائله |
الشاعرين ................الخطاف و..........حكيم المنتدى ........مبدعين بمعنى الكلمه
وش خليتوا ..........والله يستر من تالية المعاني المدفنه ............تحياتي للجميع متابعين وسعداء بهذه المعاني الراقية |
حكيم المنتدى ..
شاعر ذو قيمة بمعنى القصيد .. يرمي بكلمات قمة في الجمال والحضور الذهني .. أرى ان له هدف ومضمون ليس بالسهل .. شاعر بارع وكلمته جميلة جداً .. الخطاف .. حذق ونبيه وصاحب رؤية ومساير لما أرى واتوقع بمنطقية وتمرّس رهيب جداً .. شاعر فطن جداً ويلطشها وهي طايرة .. الكلام إن هنا متعة في غاية الذوق والجمال .. لاعدمناكم وشرواكم .. كل التقدير .. |
مديرنا الغالي ابوريان الحقيقة اللسان يعجز عن شكرك فأنت خير داعم ومساند لي ولجميع الشعراء في هذا الصرح الشامخ ودائماً تأتي فتلبسنا أحلا الأوسمة بجمال كلماتك ولغتك الفريدة والنادرة وتعبيرك العذب والراقي فلأهنت على هذا المرور ولك فائق التحيات والتقدير البدع سربنا يحاكم القيفان ياللي ابيوته على المحراف عنده مدلولات ن الكل حرفا بحر يرعب من وحايله الرد ماني متهور ولا القيفان غير لامصرف ولا محراف صاحبي ذا حدني عـ الحرافا ماعد دون الموت حايله |
اقتباس:
دكتور المنتدى لأنت رائع ولمرورك رهبه وفرحة فرهبته حينما تحلل القصيد تنشره نشرا فتبين مستورة وتظهر ضعيفه وفرحته حينما تثني على جميله وتظهر قوته وتشد من اسر صاحبه... المهم لا تتأخر علينا طلتك بالدنيا تقبل مودتي واخي الخطاف |
اقتباس:
ابوريان مرورك دواء وكلامك غذاء وثناك الاثنتين سواء ولك مني صادق الدعاء وفقك الله |
اخي الخطاف اشكرك على هذه المحاورة الجميلة وبعد الرد من قبلك اراء ان يكون ختامها مسك من قبلكم واذا لك رغبة الاستمرار رهن اشارتك استلم البدع ايك ذا نصب لي النيشان ونته الباني وانا اللقاف كل باني لازم له لقفا والحجر بيده محايله الرد من يقل كابول في الشيشان مالمحها ساعة الميقاف خل ذا شب الحريقه وقفا يعترف بي في محايله |
حكيمنا الغالي /
تسارع رهيب جدا نحو القمّه الخطاف / عاد ما يحتاج تعليق !!!! مبدين وأمتعتونا ,, تقبلوا مروري ,, |
حياك الله يالحكيم واشكرك على الاستضافة الحلوة هذه في متصفحك واشكر جميع الأخوان اللي شاركونا الحوار وهذه القصيدتين سوف تكون ختام المسك واعذروني على التقصير لان الطرق مافيه متسع للتعبير البدع احنا في ليّه لنا عـــــدوان يوم صبحنا على الأشراف والعمري في كل هيه كفا ماحد ن ينـــكر جمــــايله الرد احنا لابه تـــــرهق العــــدوان وحنا عن درب النقوص أشراف والنوافـــــع شكـــلها بالـــكفا ما تـــــــــزيد إلا جمــــــايله |
حكيم المنتدى ----الخطاف
محاورة ممتعة واسلوب حواري هادف نويتوا القمة فوصلتوا صحت السنتكم على ما قدمتم وكنت متابع وفي ختامكم اشكركم على هذا الطرح الجميل وتقبلو ا اطيب تحية مني |
| الساعة الآن 12:54 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir