منتديات بني عمرو - أبرحل والله العالم وش اللي بداخلي من شـــوق

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - أبرحل والله العالم وش اللي بداخلي من شـــوق (https://forum.baniamro.co/showthread.php?t=67399)

أبرحل والله العالم وش اللي بداخلي من شـــوق

أبرحل والله العالم وش اللي بداخلي من شـــوق
وابطوي صفحة ٍ عّيا زمان الجور يطويــــــــــها

ابرحل تايه بغربة وطن مالي عليه حقــــــــــــوق
وطن وحد وده عيونك ود مع ٍ حاير ٍ فيـــــــــــها

ابرحل دمعة ٍحارت من ادنى الموق لاقصى الموق
خذ لها الوقت يوم انه حرمها من هقاويــــــــــها

ابرحل واجمع آلامي وابرقع ثوبي المشـــــقوق
وابفهق عن دروب الشك رجلي قبل تمشـــــيها

انا ادري ان الزمن قاسي واعرف اني بليا ذوق
ونفسي يوم ودعتك رمت في النار رجلـــــــــيها

عمـــر هالحب مايفنى مدامه في الحشا مخلوق

ولو دنيا العنــــــــــا جارت وورتنا بلاويــــــــها

ابنسى آه كيف انسى وانا اللي من زمن محروق
اكـّـذب كانني قلت اقدرانسى بعض ماضيـــــــــها

الا ياحظي المقفي علامك للشقى مطفــــــــــوق
انا طالبك لاتفتح لعيـــــــــني سدّ واديــــــــــــها

ابنسى كيف والذ كرى وسط قلبي تسوقه سوق
وهذا طيف عاتقــــــــــها وهذي رجفة يديــــــها

انا في ذمة الله ما علي من الشقا والعوق
انا في ذمة اللي لاقبض هالروح يحييــــها

جعل عين ٍ بكت للحب ابد ما تنحرم من موق
ولا تفقد ولوطــــــــــالت ليالي الهجر غاليها

وعين ٍ خانت العشرة عساها امر الولي من فوق
عساها في زمــــــــان ٍ دبرته ضاعت خطاويــــها

وابرحل والله العالم وش اللي بداخلي من شوق
وبطــــوي صفحة ٍ عيّا زمان الجـــــــور يطويها

مما راق لي وارجو ان تحوز على استحسانكم

بن ظافر

اشكر لك تواجدك الكريم

واكيد ما راق لك راق لي بالفعل

لا عدمناك ياغالي

تحياتي

عمري ولا احد ... تشرفت بمرورك الغالي الله يعطيك العافية

نص مميز للغايه ,, وطرح رائــــــــع جداً
==
بن ظافر
ذائقـــه ادبيه تجبر العموم على احترامها
==
تقبل احترامي وتقديري

بن ظافر

بوركت على الابداع وقدنسختها في

اجندتي الخاصة لتبقى ضمن محفوضاتي

ولاغيرت فيها شيء ولا حتى اسمك بعد

اذنك طبعا ,,,,,,,,,عشت للابداع سراجا

.................................. تحياتي

الله يعطيك العافية
صاحب ذوق رفيع بوركت على هذا الاختيارالموفق
طبعاً من منقولك وليس من قولك؟
تحياتي

بن ظافر صح لسانك على هذا القصيدة الجميلة

مما يشرفني هو مروركم الغالي وشهاداتكم الغالية بارك الله فيكم