بو محمد يقول يا اهل الفكر والقصيد=
وأنتم يا أهل الكتابات الكبار العراض=
سلموا لي على الخطاف بأغلاء سلام=
وأبو ريان ودوا له رسالة عتاب=
وأعلموه إن ما في المنتدى شئ عادي=
ماني اللي تغير مذهبه سالفه=

مرحبا قبل من نسأل ببعض القصيد=
يسلم اللي يسلم طولها والعراض =
مرحبا قسمها لك حرب ولا سلام=
مير بعض العرب قفا علينا وتاب =
كل من كان حاضر كان نمرٍ وعادي=
مالنا يمكم مقصد ولا سالفة =

ابتدي واثني الترحيب لك من جديد=
بالنيابة عن اهل المعرفة م الرياض=
لكن اصبر علينا دام باقي صيام=
والمعاني تراودنا مع كل باب=
وانا شاعر واشوفك واسمعك يم تنادي=
واحسب إن كل ساهر يعطي امخالفة=

( الرد )=
حيّ من هو تمسّك بالوفا وانجد ايد=
حيث بعض القلوب الخضر مثل الرياض=
انص من غربها لا شرقها وانص يام=
ما مثيل العمارى في الحكم واللباب=
خافو الله قبل البعث يوم التنادي=
وامشوا درب النقى حيدوا عن امخالفه=

والله لو ما أنت جار وفي المعافي حديد =
إني أوردك عالموت بأضيق حياض =
أنت تدري كم أضحى من النشب والخصام =
والذي ما وقع في وسط كفي يصاب =
لا تقول ما يجي من يمنا إلاّ البرادي =
والله إن عاش رآسي لا أحرق الطارفه =

من بنى قوته بنحاس قبله حديد=
نطفي الهاب نارٍ وإن بها لاح ياض=
بعد الاذان نفطر واعتقد الخ صام=
يالله اكف البلد شر الخطا والوصاب=
من كرمنا نشيل الهيل باغلى البرادي=
كان ما اعجبك شوري فاقبل الطارفة=

حار سيلك ولا قد وصل حول السديد=
يوم سيل اهل وادي ترج دلاّ وفاض=
لد عينك تشوف البرق شرقٍ وشام=
دام ما من وراك الاّ حيود وعقاب=
اسمع العلم يا غرمان وافهم مرادي=
لا تجاهل صليب الراس يا عارفة=

( الرد )=
يا هلا المعرفه همّوا بر ايٍ سديد=
مانبي الزوبعة تظهر وحال انتفاض=
انتوا اسمى وفيكم الامل والعشام=
وانتوا مابين شيهان ٍ وصقر و عقاب=
قالوا ان الشقى مردود والهمّ رادي=
ما يطول ابنتاجه غير بامعارفه=

والله مالي بقرص في يدينك هبيد =
وأنا ماني براضي وأنت بالحيل راض =
فعلكم مثل فعلة قادة العم سآم =
اللي يسعون في كبت العرب والخراب =
والوجيه الخبيثه يعتليها السوادي =
طبعها ما تعرف الخير ولها صفه =

شفت بعض الهروج تزيد ولها هبيد=
مسلمين ولنا ديرة وبالحد اراض =
ابتعد عن تهايم عمك العم سام =
فرق ما بين ساكن مجلسٍ والخراب=
واحدٍ ينقل الهرجه وبالهلس وادي=
شيخة الرجل وانقاصه من الهاص فاه=

يابن الأجواد خذ مني كلامٍ وكيد=

ماعلي م الوعول اللي تناطح رباض=

احتصن للمعاني واحتمي في المقام=

وافتل الشور وانحت في الصخور الصلاب=

وانا شاعر واهيم الى وزت كل وادي =

رايتي يازميل العرف في النايفة=

الرد=
ما نوينا ابردود القاف شر ٍ وكيد=
و ان تزور النوايف فانظر الحرّ باض=
رب تفقس بيوضه يا هلا الظلم قام=
ما تدار الحروب الا بروسٍ صلاب=
سلّت السيف تبرق من ظهور العوادي=
همّة ٍ ترتقي اجبال الوغى النّايفة=

أنا ماني عنيد إلاّ مع اللي عنيد =
وأنتم يا أصحابنا في كل وقتٍ غياض =
واللي ما هو مع الأصحاب دائم تمام =
علّموه إن وضعه بين فكٍ وناب =
أعرفه في مجال الشعر يبغى العنادي =
وأنتم قلوبكم وعقولكم تألفه =

تقنيتنا حديثة وأنت باقي عنيد=
قال للمزرعة منتوج وقت القياض=
يمكن صادق وبه معمول ولاّ تمام=
يوم بعض العرب قوّز بعمره وناب=
سار مثل الذي قد طاح في ولع نادي=
عادت قلوبهم وعقولهم تالفة=