منتديات بني عمرو

ان قلـت ودي لا والله ماهـو بــودي
لكـن وش الحيلـه بحـكـم الاقــدار

وان جيت ابحكـي تـرى بـاح سـدي
واشرح الموضوع بتفاصيـل الاخبـار

بسبـاب قلـبـاً خانـنـي بتـحـدي
ودمعـاً فضـح خفـيـات الاســرار

على الذي مره معـي ومـرات ضـدي
طيب ولكـن يحمـل تقاليـد الاشـرار

اقوله لو الزمـن ياقـف ويـدك بيـدي
ويقـول لاتحلـم تـرى الوقـت دوار

بكره يـدور الوقـت وتخـون عهـدي
وتذوق قلب العنا مـن افراقـك امـرار

سفينتـي مابيـن جــزرك ومــدي
لاهي رست ولاسلكـت درب الابحـار

مــتــردد مـابـيــن وداً ودي
ود السفـر وخـوف نكبـات الاسفـار

قلت اترك الخوف وعايش حلمي الوردي
لاتقتـل الفرحـه بخـوف الاخـطـار

خلهـا لبكـره دام يـومـك مـعـدي
لا تشعـل الشمعـه دام حولـك انـوار

دامك معي ارجوك لاتخاف من صـدي
انـا وفـي مثـل عذبـات الامـطـار

ما اجرح الـورد ويامـا جـرح يـدي
واقوله عادي كن الذي كـان ماصـار

ماهـو بجـرح دام جرحـي بـيـدي
الموت لاصار الجرح من دونه اسـوار

اسـوار صـدري ترسـل اليـوم ردي
وتقولك حاضر دامي تخيـرت بختـار

اختـار دمعـي ماينتثـر فـوق خـدي
وارسل سلامي لباقـي الجـرح تذكـار

هـذا انـا وكـذا تعلمـت مـن جـدي
لا اقبـل الجـرح ولا اكـون غــدار