منتديات بني عمرو - ..الدبلة ...

عمري رسالة قبل ما ألقى لها ساعي
غدرنـي الوقـت بظروفـه وقطعهـا
خانتني الريح مدري الخايـن شراعـي
من غير الآمال ضاعت قبـل اجمعهـا
أنـا واحلـم متـى تتعـدل اوضاعـي
وإذا صحيت آخـذ أحلامـي وأشيعهـا
أضحك مع الناس واخفي عنهم اوجاعي
وإن شافني واحد اضحك قـال بيعهـا
من بعد ما راحت أغلى نبض فأضلاعي
وأنا المواجع تصارعنـي وأصارعهـا
كنت أنتظرها وأنا في نومتـي واعـي
أخاف لا أحلم بها واصحـى وأضيعهـا
كانت معي تشطب الظلمى من شعاعي
والفجر يوقف على البـاب ويشجعهـا
كانت تجي مثل صوت النـاي للراعـي
من كثر شوقي أدورهـا وأنـا معهـا
كنت اشتكيها لحـزن الليـل والداعـي
وأوصـي البعـد لا جاتـه يرجعـهـا
من كثر ما أحس معها قمـة إبداعـي
مااحس روعة قصيدي قبـل اسمعهـا
أقول: لا ماتت أيامـي مـن الناعـي
وتقـول: الأيـام تنعيهـا مواجعـهـا
وأقول: وجروحك اللي مالهـا داعـي
وتقـول: خـل الجـروح الله يقلعهـا
زرعتها حـب... يأخذنـي لمرباعـي
ونبتت لغيري وآنـا العمـر زارعهـا
خلتني أعيش بين الحـزن وضياعـي
مستقبلـي ضيعـتـه الله يضيعـهـا
ما اذكر بكيت البكا ماهو من أطباعـي
الين مـا مـرت الذكـرى بشارعهـا
ولا كنت احسب السنين بتلوي ذراعـي
الا بعـد حطـت " الدبلـة " فأصبعهـا
يالحزن رح يمها دام انتـه الساعـي
واخذ معك كلمتيـن لـزوم تسمعهـا
إن كان ندمت بعد ماعرفت أوضاعـي
فهمهـا إن النـدم ماعـاد ينفعـهـا
وإن كأنها في شهر قدرت على وداعي
أنا أربع سنين مدري كيـف أودعهـا