منتديات بني عمرو - آه مآأقسْسْى آلفرآق آللي بليآ رجوع =( ليت ربي خذآني قبل مني خذآك !

.
.
.
.
.
.

سامحيني ولـو ؟ .. مالـي امـل بالرجـوع
اعترف فـي خطـاي اللـي جنيتـه معـاك

لو عيون ( الجريح ) تعرف ! وقـت الدمـوع
كـان عينـي بهـل دموعهـا مـن وراك !!

ليت دمعـي ليامـن طـاح بيـدك .. شفـوع
يمكن ايدك تحـس بحرقتـه .. مـن جفـاك

اه ياكبـر جرحـك ,, يـارزيـن الطـبـوع
واه يا مابعد ارضي .. عن سحايـب سمـاك

اه مـن شمسـك وحـزن الفجـر بالطلـوع
واه ما حر صيفك .. واه مـا اقسـى شتـاك

ليـت موتـي .. يخيرنـي المنايـا بـنـوع
لجل .. اعيشك غلا ( وآموت ) عايش غـلاك

ماكرهت المفارق .. كثـر كـره الخضـوع
وماحسبت العبور .. الا ؟؟ واعـرف الهـلاك

كنت ؟ اشتت ظروف وكنـت اعـدي جمـوع
وبعثرتنـي ظروفـي فـي مجـرة مــداك

لين طعت الزمـان اللـي رفـض لا يطـوع
عقب ! ماكنت ! اطُوع !! .. صار مالي حراك

يوم شفت (( النهايه )) فـي صميمـي تـروع
رحت .. احاول ابي ارجع على (( مبتـداك ))

رحت اشوفك هناك .. وفي دروبي فـروع ؟
ضعت بين الفـروع ! ومالقيتـك هنـاك ؟؟

ادمحـي زلتـي .. مـا دام باقـي شـمـوع
يمكـن تكـون .. هـي آخـر بقايـا هـواك

يوم راحت معك ( لحظـات ) عمـري تبـوع
جيت ادور على ( لحظه ) مضت لـي معـاك

ماتذكـرت !! غيـر اللحظـه اللـي تـلـوع
يـوم قلتـي الـوداع .. وسمـح الله خطـاك

اه مـا اقسـى الفـراق اللـي بليـا رجـوع
ليـت ربـي خذانـي قبـل مـنـي خــذاك

كل ما اضحك واسـج القـى بخـدي دمـوع
وانتي ! مايوم شفتي .. دمعتي مـن وراك !!

كل ما اذكر ضحـى الفرقـا بيـوم الربـوع
زادت النـار فـي قلـب ٍشقـي مانـسـاك

وسلامتكم

للشاعر
سعود بن مهدي