منتديات بني عمرو - قبل ماتقفل الصفحه تذكر مين مرسلها !!!

السلام عليكم ورحمه الله وبركاته ...
هذه قصيــــده لأحد الشباب .. وطلبته أن أنزلها ..

دخيلك يالغرام اللي خذاه الوقت واقفابه
قبل ماتقفل الصفحه تذكر مين مرسلها
***
أمانه يالغرام اللي رماني الوقت بسبابه
وحالت دونه الموجه وسافر في بواخرها
***
تذكر لفت الدنيا وذاك الحب واصحابه
تذكر قصه الأيام ماضيها وحاضرها
***
مصير الوقت ياخلي يضم القلب لأحبابه
ويروي قصه الماضي ويحكي لك غرايبها
***
مصير القلب لو طول ولو رمح الزمن صابه
تعود له صدى الذكرى وتسمح له يعاتبها
***
ولو حتى على دفتر وبعض ابيات وكتابه
ولو هانت معانيها حشا ماهان كاتبها
***
عفا الله عن سنيناً مر فيها العمر كذابه
حشا ما غمضت عيني ودمعي في محاجرها
***
كتاب ! إي والله ان‎القلب بعدك سفط كتابه
على حباً بنته اول سنيني قبل أوآخرها
***
قريب ! إي والله انك من جناب القلب واقرابه
رغم ذيك الجروح اللي تبكّي من تذكرها
***
دروس ! إي والله ان الوقت درسني على حسابه
وانا عيني على الساعه واناظر في عقاربها
***
اطالع ياعسا وقت الدعاء لي ينفتح بابه
واناجي الخالق الرازق يجنبني عواقبها
***
ذبحني الهجر وانتي عارفه بالهجر وادرابه
تركتيني بطعناتك ولابه من يعالجها
***
غريبه ! وانتي اللي خابرك للطيب كسابه
محيتي صفحتك ماانتي ( ) اللي كنت خابرها
***
حتى السلام انا اشهد انك حاسبه حسابه
تلاشت كلها عندك وراحت في خبايرها
***
رجيتك يالغرام اللي خذاه الوقت واقفابه
قبل ماتقفل الصفحه تذكر مين مرسلها

وسلامتكـــــــــــــــــم