منتديات بني عمرو - تدري وش اللي يحزن القلب تدري

تدري وش اللي يحزن القلب تدري== لا من خدعك اللـي تحبه وتغليه
وتدري وش اللي يذبح الورد بدري== لا من زرعته بأرض ماهي بأراضيه
وتدري وش اللي طاح من فوق صدري== وحاولت عنك أصد وأزريت أخفيه
ياشينها في مثل سني وعمري== عيت عليه أهداب عيني تغطيه
وتدري وش اللي كل ما ضقت يطري== علي غلاك اللي من الدم أغذيه
وتدري وش اللي فج الاضلاع جبري== رمح الفراق اللي على القلب ترميه
وتدري وش اللي كل ما مل صبري== منك أحاول اقتل الحب وأحييه
تحييه لا من مات طيات شعري== وأحييه في قلبي على شان ما ابكيه
وتدري وش أصعب من فراقك وغدري== إنك هدمت اللي من اعماقي أبنيه
بنيـت بأمالـي معـك بـرج مغري== أرضـيته مـرجاان والـعااج عاليه
وأثـر الآماني ما بنت بيت فقـري== إلى متى والقلب غـاافل وصحيه
وتدري وش اللي جاب كفي لـجمري== لاني فقدت اللي بشوقه يطفيه
وتدري وش اللي في الشرايين يجري== ماهو بدمي إسمك وكل ما فيه
حفظت ميلادك بتاريخ هجـري== مـن شهـر ذو الحجـه بتالي لياليه
أعاتبك وحـالـة القـلب تـزري== والعـين من شـدة فراقك تـواسيه
آلام قلبي بيـن الأضلاع تسري== وتضيق من شـدة آلامه محانيه
أشوفك بعيني وعينك لقبري== وأثرك على دفني مـن العـام ناويه
أبيك تدري ويش يعنيك هجري== مثل الشجر لا جف فالآرض ساقيه
أقرب عليك تحـب كوعك لكسري== وأقرب على جرحك إني أداويه
وإسمـع قبل لا يجف قلبك وحبري== يمـوت مـن قفى ولا إني أناديه
بدري عليك تسل سيفك لغدري== وبدري على فرقاك راسـي يوطيه
تدري وش اللي يحـزن القلب تدري== قلب يذوق المـر مـن كف غاليه